പ്രശ്നത്തില് സര്ക്കാര് ഇടപെടുന്നത് പ്രതീക്ഷിച്ചിരിക്കുകയായിരുന്നുവെന്നും ടാക്സി ഉടമകളായ ഡ്രൈവര്മാര്ക്ക് വരുമാനം നഷ്ടപ്പെടുന്നതിനാല് വാഹനത്തിന്റെ വായ്പയടയ്ക്കാന് പറ്റാത്ത അവസ്ഥയാണെന്നും ഓണ്ലൈന് ടാക്സി ഡ്രൈവേഴ്സ് ആന്ഡ് ഓണേഴ്സ് യൂണിയന് പ്രസിഡന്റ് തന്വീര് പാഷ പറഞ്ഞു. മൂന്നുദിവസമായി വരുമാനമില്ലാത്തതിനാല് പല ഡ്രൈവര്മാരും പരമ്പരാഗത കാബ് ഓപ്പറേറ്റര്മാരുമായി കരാറിലായിട്ടുണ്ടെന്നും അദ്ദേഹം പറഞ്ഞു. ഇവര്ക്ക് ഉബറുമായും ഒലയുമായും ബന്ധപ്പെടുന്നതിന് വിലക്ക് ഏര്പ്പെടുത്തിയിട്ടുണ്ട്.
ബുധനാഴ്ച ഓണ്ലൈന് ടാക്സിഡ്രൈവര്മാര് സമരം തുടങ്ങിയതോടെ നഗരത്തിലെ നിരവധി യാത്രക്കാരാണ് ബുദ്ധിമുട്ടിലായത്. സമരത്തെക്കുറിച്ച് അറിയാത്തവരാണ് കൂടുതല് ബുദ്ധിമുട്ടായത്. വെള്ളിയാഴ്ചയും വളരെകുറച്ച് ടാക്സികളേ നിരത്തിലിറങ്ങിയുള്ളൂ. അതേസമയം, സമരത്തെക്കുറിച്ച് ഉബറും ഒലയും അറിയിക്കാതിരുന്നത് യാത്രക്കാരുടെ പ്രതിഷേധത്തിനിടയാക്കിയിട്ടുണ്ട്.
ഓണ്ലൈന് ടാക്സിദാതാക്കളുമായി ഡ്രൈവര്മാരുണ്ടാക്കിയ കരാറില് സര്ക്കാരിന് ഒന്നും ചെയ്യാനാകില്ലെന്നും സമരം നടത്തുന്ന ഡ്രൈവര്മാരോട് ലേബര് കോടതിയെ സമീപിക്കാനും ഗതാഗതമന്ത്രി രാമലിംഗ റെഡ്ഡി പറഞ്ഞിരുന്നു. അഞ്ചുതവണ ചര്ച്ചനടത്തിയെങ്കിലും ഉബറും ഒലയും ഡ്രൈവര്മാരുടെ ആവശ്യം അംഗീകരിക്കാന് തയ്യാറായില്ല. ഇതേത്തുടര്ന്നാണ് ഡ്രൈവര്മാരോട് ലേബര് കോടതിയെ സമീപിക്കാന് ആവശ്യപ്പെട്ടത്.
ആവശ്യങ്ങള് അംഗീകരിക്കുന്നതുവരെ ടാക്സി സര്വീസുകള് നിര്ത്താന് ഓണ്ലൈന് ടാക്സി ഡ്രൈവേഴ്സ് ആന്ഡ് ഓണേഴ്സ് യൂണിയനാണ് തീരുമാനിച്ചത്. ബെംഗളൂരുവില് ആരംഭത്തില് പത്തുശതമാനം മാത്രമായിരുന്ന കമ്മിഷന് മൂന്നുവര്ഷം കഴിഞ്ഞപ്പോള് മൂന്നിരട്ടിയായി വര്ധിച്ചു. ഇത്രയും കമ്മിഷന് നല്കാനാവില്ലെന്നാണ് ഡ്രൈവര്മാരുടെ നിലപാട്. 20 തവണ സവാരി നടത്തിയാലേ ഇന്സെന്റീവ് അടക്കമുള്ള ആനുകൂല്യങ്ങള് ലഭിക്കുകയുള്ളൂവെന്ന തീരുമാനവും അംഗീകരിക്കാന് പറ്റില്ലെന്ന് ഡ്രൈവര്മാര് പറയുന്നു.