തലശ്ശേരി: പിണറായിയില് ബിജെപി പ്രവര്ത്തകനായ കൊല്ലനാണ്ടി രമിത്തിനെ (29) വധിച്ച കേസില് പോലീസ് കുറ്റപത്രം സമര്പ്പിച്ചു.
15 സിപിഎം പ്രവര്ത്തകരെ പ്രതിചേര്ത്താണ് അന്വേഷണ സംഘം കുറ്റപത്രം സമര്പ്പിച്ചിട്ടുള്ളത്. എസ്എഫ്ഐ സംസ്ഥാന കമ്മിറ്റി അംഗം അഖിലും പ്രതിപ്പട്ടികയിലുണ്ട്.
2016 ഒക്ടോബര് 12നാണ് പിണറായിയിലെ പെട്രോള് പമ്പിന് സമീപത്തുവെച്ച് ഒരു സംഘം ആളുകള് രമിത്തിനെ ആക്രമിച്ചത്. ഗുരുതരമായി പരിക്കേറ്റ രമിത്തിലെ തലശ്ശേരിയിലെ സഹകരണ ആശുപത്രിയില് പ്രവേശിപ്പിച്ചെങ്കിലും മരിച്ചു.
സംഭവത്തെ തുടര്ന്ന് പത്ത് സിപിഎം പ്രവര്ത്തകരെ പോലീസ് കസ്റ്റഡിയില് എടുത്തിരുന്നു. പിന്നീട് ഡിവൈഎസ്പി രഞ്ജിത്തിന് അന്വേഷണ ചുമതല കൈമാറി.
രമിത്തിന്റെ പിതാവ് ഉത്തമനെയും സമാന രീതിയില് നേരത്തെ കൊലപ്പെടുത്തിയിരുന്നു. ഉത്തമനെ ബസില് നിന്ന് വലിച്ചിറക്കി വെട്ടി കൊലപ്പെടുത്തുകയായിരുന്നു. 2002ലാണ് ഉത്തമനെ വധിച്ചത്.
Share this Article
Related Topics