ഡോ. എഴുമറ്റൂര്‍ രാജരാജവര്‍മ്മയ്ക്ക് ബാല്‍രാജ് പുരസ്‌കാരം


Dr.Ezumattoor Rajaraja Varma, Balraj Award
മല്ലപ്പള്ളി: മലയാളഭാഷയുടെ വളര്‍ച്ചയ്ക്കു സഹായകമാകുന്ന ഉത്തമഗ്രന്ഥത്തിനു നല്‍കുന്ന ഒരുലക്ഷം രൂപയുടെ 'ബാല്‍രാജ്' പുരസ്‌കാരത്തിന് ഡോ. എഴുമറ്റൂര്‍ രാജരാജവര്‍മ്മയുടെ 'എഴുമറ്റൂരിന്റെ കവിതകള്‍' എന്ന പുസ്തകം അര്‍ഹമായി. മലയാളം ലെക്‌സിക്കന്‍ മുന്‍ മേധാവിയും ആധ്യാത്മികാചാര്യനുമായ ഡോ. ബി.സി. ബാലകൃഷ്ണന്‍, അദ്ദേഹത്തിന്റെയും ഭാര്യ പ്രൊഫ. രാജമ്മയുടെയും പേരില്‍ ഏര്‍പ്പെടുത്തിയതാണ് ബാല്‍രാജ് പുരസ്‌കാരം.

കവിത, നാടകം, വിമര്‍ശനം, ജീവചരിത്രം, സഞ്ചാരസാഹിത്യം, ബാലസാഹിത്യം, തത്ത്വചിന്ത തുടങ്ങി വിവിധശാഖകളിലായി നൂറ്റിമൂന്നു കൃതികള്‍ പ്രസിദ്ധീകരിച്ചിട്ടുള്ള എഴുമറ്റൂര്‍, ഡല്‍ഹിയിലെ മലയാളഭാഷാപഠന കേന്ദ്രത്തിന്റെയും മലയാളം മിഷന്റെയും ശില്പിയാണ്. സംസ്ഥാന സര്‍വവിജ്ഞാനകോശം എഡിറ്റര്‍, കേരള സര്‍ക്കാരിന്റെ ഔദ്യോഗികഭാഷാവിദഗ്ധന്‍ എന്നീ നിലകളില്‍ സേവനമനുഷ്ഠിച്ചിട്ടുണ്ട്.

ആറ്റുകാല്‍ അംബാപ്രസാദം മാസികയുടെ മുഖ്യപത്രാധിപരും പ്രൊഫ.എന്‍. കൃഷ്ണപിള്ള ഫൗണ്ടേഷന്റെ സെക്രട്ടറിയുമാണ്. മഹാത്മാഗാന്ധി ഏര്‍പ്പെടുത്തിയ വാര്‍ദ്ധാ രാഷ്ട്രഭാഷാ പ്രചാര്‍ സമിതിയുടെ ഭാഷാപുരസ്‌കാരം ഉള്‍പ്പെടെ ഒരു ഡസനിലേറെ പുരസ്‌കാരങ്ങള്‍ക്ക് അര്‍ഹനായിട്ടുണ്ട്.

Add Comment
Related Topics

Get daily updates from Mathrubhumi.com

Youtube
Telegram
IN CASE YOU MISSED IT

10:28

EXPLAINED | വിഴിഞ്ഞം സമരം ഒത്തുതീർപ്പിനു പിന്നിലെന്ത്? വാഗ്ദാനങ്ങൾ എന്തൊക്കെ?

Dec 7, 2022


Bala Against unnimukundan, shefeekkinte santhosham controversy

1 min

ഉണ്ണിമുകുന്ദന്‍ പ്രതിഫലം നല്‍കാതെ പറ്റിച്ചു; ആരോപണവുമായി ബാല

Dec 8, 2022


image

2 min

ആ കനല്‍ത്തരി അണഞ്ഞു; ഹിമാചലില്‍ സിറ്റിങ് സീറ്റില്‍ സിപിഎം നാലാമത്‌

Dec 8, 2022