ശ്രീനഗര്/ന്യൂഡല്ഹി: തെക്കന് കശ്മീരിലെ ഷോപിയാന് ജില്ലയില് സൈന്യത്തിനുനേരെ ഭീകരാക്രമണം. ഭീകരരുടെ വെടിയേറ്റ് ഒരു സാധാരണക്കാരന് കൊല്ലപ്പെട്ടു. രണ്ട് സൈനികര്ക്ക് പരിക്കേറ്റു.
ഷോപിയാനില് ഭീകരര്ക്കുവേണ്ടി ഒരുദിവസം നീണ്ട തിരച്ചില് നടത്തി മടങ്ങിയ സൈനികര്ക്കുനേരെ ആയിരുന്നു ആക്രമണം. പ്രദേശത്ത് ഇപ്പോഴും ഏറ്റുമുട്ടല് തുടരുന്നുവെന്നാണ് സൈന്യം വ്യക്തമാക്കിയിട്ടുള്ളത്. ആക്രമണം നടത്തിയ ഭീകരര് സ്ഥലത്തുനിന്ന് രക്ഷപെടാതിരിക്കാന് 3000 ത്തോളം സൈനികര് പ്രദേശം വളഞ്ഞിരിക്കുന്നുവെന്നാണ് റിപ്പോര്ട്ട്.
കശ്മീരില് ഭീകരര്ക്കുവേണ്ടി നടത്തുന്ന ഈവര്ഷത്തെ ഏറ്റവും വിലയ തിരച്ചിലിനാണ് വ്യാഴാഴ്ച ഷോപിയാന് ജില്ലയില് തുടക്കം കുറിച്ചത്. 20 ഓളം ഗ്രാമങ്ങളില് ഒരേസമയത്തായിരുന്നു തിരച്ചില്.
ഹിസ്ബുള് കമാന്ഡര് ബുര്ഹാന് വാനി കൊല്ലപ്പെട്ടതിന് ശേഷമുണ്ടായ പ്രതിഷേധങ്ങളുടെ പശ്ചാത്തലത്തില് തിരച്ചില് നടപടികള് ഏറെക്കാലമായി നിര്ത്തിവച്ചിരിക്കുകയായിരുന്നു. കഴിഞ്ഞ ദിവസങ്ങളില് ഭീകരര് നിരവധി ബാങ്കുകള് കൊള്ളയടിക്കുകയും പോലീസ് ഉദ്യോഗസ്ഥരടക്കം നിരവധിപേരെ വധിക്കുകയും ചെയ്തതിന് പിന്നാലെയാണ് തിരച്ചില് പുനരാരംഭിച്ചത്.
Share this Article
Related Topics