ന്യൂഡല്‍ഹി: ഞായറാഴ്ച രണ്ടാം പിറന്നാള്‍ ആഘോഷിച്ച ദക്ഷിണാഫ്രിക്കന്‍ ക്രിക്കറ്റ് താരം ജോണ്ടി റോഡ്‌സ്സിന്റെ മകള്‍ ഇന്ത്യയെ തേടി ഇന്ത്യയില്‍ നിന്ന് ഒരു പിറന്നാള്‍ സംന്ദേശമെത്തി. തികച്ചും സവിശേഷമായ ഒരു പിറന്നാള്‍ സന്ദേശം.
ഇന്ത്യന്‍ പ്രധാനമന്ത്രി നരേന്ദ്ര മോദിയാണ് ഇന്ത്യയ്ക്ക് പിറന്നാള്‍ ആശംസ നേര്‍ന്നത്. 'ഹാപ്പി ബെര്‍ത്ത് ഡേ ഇന്ത്യ, ഫ്രം ഇന്ത്യ' എന്ന മോദി ട്വിറ്ററില്‍ കുറിച്ച ആശംസ 12 മണിക്കൂറിനുള്ളില്‍ 6,300 പേര്‍ റീട്വീറ്റ് ചെയ്യപ്പെട്ടു.
മകളുടെ രണ്ടാ പിറന്നാള്‍ ദിനത്തില്‍ അവളോടൊപ്പമുള്ള ചിത്രം റോഡ്‌സ് ട്വിറ്ററില്‍ പങ്കുവെയ്ക്കുകയായിരുന്നു. ഇതിന് മറുപടിയായാണ് നരേന്ദ്ര മോദിയുടെ അപ്രതീക്ഷിത പിറന്നാള്‍ സന്ദേശം ഇന്ത്യയെ തേടി എത്തിയത്. തുടര്‍ന്ന് മോദിക്ക് നന്ദി പറഞ്ഞ റോഡ്‌സ് കുഞ്ഞ് 'ഇന്ത്യ' അവളുടെ ജന്മദേശത്തിന്റെ പേരില്‍ അനുഗ്രഹീതയായിരിക്കുകയാണെന്ന് പറഞ്ഞു.
