Photo: indiansuperleague.com
ഫത്തോര്‍ഡ: ഐ.എസ്.എല്ലില്‍ ഇന്ന് നടന്ന കരുത്തന്‍മാരുടെ പോരാട്ടത്തില്‍ എ.ടി.കെ മോഹന്‍ ബഗാനെ എതിരില്ലാത്ത ഒരു ഗോളിന് തകര്‍ത്ത് മുംബൈ സിറ്റി എഫ്.സി.
ജയത്തോടെ പോയന്റ് പട്ടികയില്‍ ഒന്നാം സ്ഥാനത്ത് അഞ്ചു പോയന്റിന്റെ ലീഡ് നേടാനും മുംബൈക്കായി. 69-ാം മിനിറ്റില്‍ ബര്‍ത്തലോമ്യു ഓഗ്‌ബെച്ചെയാണ് മുംബൈയുടെ വിജയ ഗോള്‍ നേടിയത്. കഴിഞ്ഞ അഞ്ചു മത്സരങ്ങള്‍ക്കിടെ ഇതാദ്യമായാണ് എ.ടി.കെ ഗോള്‍ വഴങ്ങുന്നത്.
10 മത്സരങ്ങളില്‍ നിന്ന് മുംബൈക്ക് 25 പോയന്റായി. ഇത്രയും മത്സരങ്ങളില്‍ നിന്ന് 20 പോയന്റുളള എ.ടി.കെ രണ്ടാമതും.
ഹ്യൂഗോ ബോമസിന്റെ മുന്നേറ്റമാണ് ഗോളില്‍ കലാശിച്ചത്. ബോമസ് നല്‍കിയ പാസ് ഓഗ്‌ബെച്ചെ മികച്ചൊരു സ്‌ട്രൈക്കിലൂടെ വലയിലെത്തിക്കുകയായിരുന്നു.
Content Highlights: ISL 2020-21 Ogbeche goal gives Mumbai City win vs ATK Mohun Bagan
.jpg?$p=41baf8f&f=1x1&w=100&q=0.8)
.jpg?$p=8896326&f=1x1&w=100&q=0.8)
