കൊച്ചി: കഴിഞ്ഞ സീസണില് നോര്ത്ത് ഈസ്റ്റ് യുണൈറ്റഡില് തകര്ത്തുകളിച്ച ഹോളിചരണ് നര്സാറിയെ ഇത്തവണ ബ്ലാസ്റ്റേഴ്സ് സ്വന്തമാക്കിയത് വെറുതെയായില്ല. മിഡ്ഫീല്ഡറായ നര്സാറി ബ്ലാസ്റ്റേഴ്സിന് ഈവര്ഷത്തെ ആദ്യ ഹോം ഗോള് നല്കി ആരാധകരുടെ ഹീറോയായി.
ഇടതുവിങ്ങിലൂടെ കുതിച്ചും പിന്നിലേക്ക് ഇറങ്ങിക്കളിച്ചും നര്സാറി മൈതാനത്ത് നിറഞ്ഞു. 65-ാം മിനിറ്റില് വലതുവിങ്ങില് പെനാല്ട്ടി ഏരിയയുടെ പുറത്തുനിന്ന് നര്സാറി നല്കിയ ഉഗ്രന് ക്രോസ് സ്ലാവിസയ്ക്ക് പോസ്റ്റിലേക്ക് തൊടുക്കാനായില്ല. 81-ാം മിനിറ്റില് ബോക്സിന് വലതുമൂലയിലേക്ക് നര്സാരി നല്കിയി പന്ത് കൃത്യമായ പെക്കൂസന് ക്രോസ് ചെയ്തെങ്കിലും സ്ലാവിസയ്ക്ക് കണക്ടുചെയ്യാനായില്ല.
അസമിലെ കൊക്രജാര് ഗ്രാമത്തില്നിന്നുവന്ന 24-കാരന് ഇനി മലയാളികളുടെ പ്രിയതാരമാകും. സ്കൂള് ടീമിലൂടെ അസം ടീമിലും പിന്നീട് ഇന്ത്യ അണ്ടര്-16, അണ്ടര്-19 ടീമുകളിലും കളിച്ചു. 2010-ല് പൈലന് ആരോസിലൂടെ ലീഗിലേക്ക് വന്നു. തുടര്ന്ന് ഡെംപോ ഗോവ, ഡി.എസ്.കെ. ശിവാജിയന്സ് ടീമുകള്ക്കായി കളിച്ചു. മൂന്നു സീസണില് നോര്ത്ത് ഈസ്റ്റ് യുണൈറ്റഡിനുവേണ്ടി കളിച്ചു. 2015-ല് നേപ്പാളിനെതിരേ ഇന്ത്യന് സീനിയര് ടീമില് അരങ്ങേറി. അസമില് നടന്ന ദക്ഷിണേഷ്യന് ഗെയിംസില് ഇന്ത്യയ്ക്കായി ഗോള് നേടുകയും ചെയ്തു.
Content Highlights: Halicharan Narzary Kerala Blasters Goal Scorer vs Mumbai City FC