ഇംഫാല്‍: ഐ ലീഗ് ചരിത്രത്തിലെ ഏറ്റവും വേഗമേറിയ ഗോളിനുടമയായി നെരോക്ക എഫ്.സി താരം കാറ്റ്‌സുമി യുസ. ചര്‍ച്ചില്‍ ബ്രദേഴ്‌സിനെതിരേ ശനിയാഴ്ച നടന്ന മത്സരത്തില്‍ 13-ാം സെക്കന്‍ഡിലാണ് കാറ്റ്‌സുമി സ്‌കോര്‍ ചെയ്തത്. വെറും അറു പാസുകള്‍ക്കുശേഷമായിരുന്നു കാറ്റ്‌സുമിയുടെ ഗോള്‍.
2012-2013 സീസണില്‍ യുണൈറ്റഡ് സിക്കിമിനെതിരേ പുണെ എഫ്.സിക്കായി 14-ാം സെക്കന്‍ഡില്‍ ഗോള്‍ നേടിയ ജെയിംസ് മോഗയുടെ റെക്കോഡാണ് കാറ്റ്‌സുമി പഴങ്കഥയാക്കിയത്. 2014-2015 സീസണില്‍ ബെംഗളൂരു എഫ്.സിയുടെ ശങ്കര്‍ സാമ്പിങ്ങിരാജ് പുണെയ്‌ക്കെതിരേ 15-ാം സെക്കന്‍ഡില്‍ ഗോള്‍ നേടിയിരുന്നു.
മത്സരത്തില്‍ ഇതുള്‍പ്പെടെ ഇരട്ട ഗോളുകള്‍ നേടിയ കറ്റ്‌സുമിയുടെ മികവില്‍ 2-1 ന് നെരോക്ക ജയിച്ചുകയറി.
ഐ ലീഗിലെ വേഗതയേറിയ ഗോളുകള്‍
2014-2015 സീസണ്‍ - നിക്കോളാസ് ഫെര്‍ണാണ്ടസ് (സ്‌പോര്‍ട്ടിങ് ക്ലബ്ബ് ഗോവ, 16 സെക്കന്‍ഡ്)
2001-2002 സീസണ്‍ - സുലെയ് മൂസ (ഈസ്റ്റ് ബംഗാള്‍, 21 സെക്കന്‍ഡ്)
2010-2011 സീസണ്‍ - ഗില്‍ബര്‍ട്ട് ഒളിവേര (23 സെക്കന്‍ഡ്, യുണൈറ്റഡ് സ്‌പോര്‍ട്‌സിനെതിരേ)
Content Highlights: katsumi yusa neroca fc becomes the fastest goalscorer in i league nfl history
