ന്യൂഡല്‍ഹി: റിയോ ഒളിമ്പിക്‌സിലെ മികച്ച പ്രകടനത്തെ തുടര്‍ന്ന് ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കര്‍ കൈമാറിയ ബി.എം.ഡബ്ല്യു കാര്‍ ഗുസ്തി താരം സാക്ഷി മാലിക്ക് അച്ഛന് സുദേശ് മാലിക്കിന് സമ്മാനിച്ചു. ഒരു ദേശീയ മാധ്യമത്തിന് നല്‍കിയ അഭിമുഖത്തിനിടെയാണ് സാക്ഷി ബി.എം.ഡബ്ല്യു അച്ഛന് സമ്മാനിക്കുമെന്ന് പറഞ്ഞത്.
ഒളിമ്പിക്‌സിലെ വെങ്കല മെഡല്‍ നേട്ടം വരെയെത്തിയ തന്റെ ജൈത്രയാത്രയില്‍ അച്ഛന്റെ ത്യാഗവും പിന്തുണയുമാണ് തനിക്ക് കരുത്തു പകര്‍ന്നതെന്നും അതിന്റെ പ്രതിഫലമായാണ് അച്ഛന് കാര്‍ നല്‍കുന്നതെന്നും സാക്ഷി വ്യക്തമാക്കി.
2014 കോമണ്‍വെല്‍ത്ത് ഗെയിംസില്‍ വെള്ളി മെഡല്‍ നേടിയപ്പോള്‍ അച്ഛന് സമ്മാനിച്ച നീല നിറത്തിലുള്ള ഫോക്‌സ്‌വാഗന്‍ പോളോ കാറിനോടാണ് തനിക്ക് കൂടുതല്‍ ഇഷ്ടമെന്നും ആ കാറാണ് താന്‍ ഓടിക്കുകയെന്നും സാക്ഷി പറഞ്ഞു.
സാക്ഷിക്ക് പുറമെ വെള്ളി മെഡല്‍ ജേതാവ് പി.വി സിന്ധുവിനും പരിശീലകന്‍ ഗോപീചന്ദിനും ജിംനാസ്റ്റിക്‌സ് താരം ദിപ കര്‍മാക്കര്‍ക്കും ഹൈദരബാദ് ഡിസ്ട്രിക്റ്റ് ബാഡ്മിന്റണ്‍ അസോസിയേഷന്‍ പ്രസിഡന്റ് ചാമുണ്ഡേശ്വര്‍ നാഥ് ബി.എം.ഡബ്ല്യു സമ്മാനിച്ചിരുന്നു. സച്ചിന്‍ തെണ്ടുല്‍ക്കറാണ് ഇതിന്റെ താക്കോല്‍ കൈമാറിയത്.
.jpg?$p=7e6882a&f=1x1&w=100&q=0.8)
.jpg?$p=2b33967&f=1x1&w=100&q=0.8)
.jpg?$p=24a406c&f=1x1&w=100&q=0.8)
