ടൂറിന്‍: ചാമ്പ്യന്‍സ് ലീഗ് ഫുട്‌ബോള്‍ പ്രീക്വാര്‍ട്ടറിന്റെ ആദ്യ പാദത്തില്‍ കടുത്ത പോരാട്ടത്തിനൊടുവില്‍ ടോട്ടനം യുവന്റസിനോട് സമനിലപിടിച്ചു. യുവന്റസിന്റെ തട്ടകത്തില്‍ നടന്ന മത്സരത്തില്‍ ഇരു ടീമുകളും രണ്ടു ഗോളുകള്‍ വീതം നേടിയാണ് സമനിലയില്‍ പിരിഞ്ഞത്.
മറ്റൊരു മത്സരത്തില്‍ സ്വിസ് ക്ലബ്ബ് ബാസലിനെ നാലു ഗോളിന് മുക്കി മാഞ്ചസ്റ്റര്‍ സിറ്റി തകര്‍പ്പന്‍ പ്രകടനം നടത്തി. ഗുണ്ടേഗന്റെ ഇരട്ട ഗോള്‍ മികവിലാണ് സിറ്റിയുടെ ആധികാരിക വിജയം. സില്‍വയും അഗ്യൂറോയുമാണ് മറ്റു രണ്ടു ഗോളുകള്‍ നേടിയത്.
യുവന്റസിനെതിരെ രണ്ടു ഗോള്‍ പിന്നില്‍ നിന്ന ശേഷമായിരുന്നു ടോട്ടനത്തിന്റെ തിരിച്ചു വരവ്. ഗോന്‍സെലോ ഹിഹ്വയ്ന്‍ മത്സരത്തിന്റെ തുടക്കത്തില്‍ തന്നെ നേടിയ രണ്ടു ഗോളുകള്‍ ടോട്ടനത്തെ ഞെട്ടിച്ചു. രണ്ട്, ഒമ്പത് മിനിറ്റുകളിലായിരുന്നു ഹിഗ്വയ്‌ന്റെ ഗോളുകള്‍.
എന്നാല്‍ ആദ്യ മിനിറ്റുകളിലെ ആധിപത്യം യുവന്റസിന് സ്വന്തം കാണികള്‍ക്ക് മുന്നില്‍ മത്സരാന്ത്യം വരെ നിലനിര്‍ത്താനാകാതെ വന്നു. ഹാരി കെയ്‌നിലൂടെ ടോട്ടനം 35-ാം മിനിറ്റില്‍ ആദ്യ ഗോള്‍ മടക്കി. ക്രിസ്റ്റ്യന്‍ എറിക്‌സെണ്‍ 71-ാം മിനിറ്റില്‍ സമനില ഗോളും ടോട്ടനം പോസ്റ്റില്‍ കയറ്റി. മാര്‍ച്ച് എട്ടിനാണ് ഇവരുടെ രണ്ടാം പാദ മത്സരങ്ങള്‍ നടക്കുക.
.jpg?$p=8a7b7b1&f=1x1&w=100&q=0.8)
.jpg?$p=1a21421&f=1x1&w=100&q=0.8)
.jpg?$p=7c255b7&f=1x1&w=100&q=0.8)
.jpg?$p=e1fda36&f=1x1&w=100&q=0.8)
