വെല്ലിങ്ടണ്‍: ന്യൂസീലന്‍ഡിന്റെ വിക്കറ്റ് കീപ്പര്‍ ബാറ്റ്‌സ്മാന്‍ ലൂക്ക് റോഞ്ചി അന്താരാഷ്ട്ര ക്രിക്കറ്റില്‍ നിന്ന് വിരമിച്ചു. കുടുംബ ജീവിത്തില്‍ ശ്രദ്ധ കേന്ദ്രീകരിക്കാനാണ് കളി മതിയാക്കുന്നതെന്ന് റോഞ്ചി വ്യക്തമാക്കി.
മുപ്പത്തിയാറുകാരനായ റോഞ്ചി 2013ലാണ് ന്യൂസീലന്‍ഡിനായി അരങ്ങേറ്റം കുറിച്ചത്. നാല് ടെസ്റ്റുകളിലും 67 ഏകദിനങ്ങളിലും 32 ടിട്വന്റിയിലും റോഞ്ചി കിവീസിനായി കളിച്ചിട്ടുണ്ട്. 2015 ലോകകപ്പ് ഫൈനല്‍ വരെയത്തിയ ന്യൂസീലന്‍ഡ് ടീമില്‍ അംഗമായിരുന്നു റോഞ്ചി.
വെടിക്കെട്ട് ബാറ്റ്‌സ്മാനായി വിലയിരുത്തപ്പെടുന്ന കിവീസ് താരം കഴിഞ്ഞ ചാമ്പ്യന്‍സ് ട്രോഫിയില്‍ ഓസീസിനെതിരായ മത്സരത്തില്‍ 43 പന്തില്‍ നിന്ന് 65 റണ്‍സ് അടിച്ചിരുന്നു. 2014-15ല്‍ ഡുനെഡിനില്‍ ശ്രീലങ്കക്കെതിരെ 99 പന്തില്‍ പുറത്താകാതെ 170 റണ്‍സ് നേടിയത് റോഞ്ചിയുടെ മറ്റൊരു വെടിക്കെട്ട് പ്രകടനമാണ്.
അന്താരാഷ്ട്ര ക്രിക്കറ്റില്‍ ഓസ്‌ട്രേലിയക്ക് വേണ്ടിയാണ് ലൂക്ക് റോഞ്ചി അരങ്ങേറ്റം കുറിച്ചത്. 2008-2009 വര്‍ഷങ്ങളില്‍ ഓസീസിനായി നാല് ഏകദിനങ്ങളും മൂന്ന് ടിട്വന്റിയും റോഞ്ചി കളിച്ചിട്ടുണ്ട്. പിന്നീട് സ്വദേശമായ ന്യൂസീലന്‍ഡിലേക്ക് റോഞ്ചി തിരിച്ചുവരികയായിരുന്നു.
അന്താരാഷ്ട്ര ക്രിക്കറ്റില്‍ നിന്ന് വിരമിച്ചെങ്കിലും ആഭ്യന്തര മത്സരങ്ങളില്‍ കളിക്കുമെന്ന് റോഞ്ചി വ്യക്തമാക്കി. നാറ്റ് വെസ്റ്റ് ടിട്വന്റിയില്‍ ലെയ്‌സെസ്റ്റര്‍ഷെയറിന് വേണ്ടി റോഞ്ചി ഗ്രൗണ്ടിലിറങ്ങും.
RELATED STORIES
Premium
.jpg?$p=8a7b7b1&f=1x1&w=100&q=0.8)
.jpg?$p=c686dae&f=1x1&w=100&q=0.8)
Premium
IN CASE YOU MISSED IT
