ഓസ്‌ട്രേലിയക്കെതിരായ ഏകദിന പരമ്പരയിലെ അവസാന രണ്ട് മത്സരങ്ങളില്‍ ഇന്ത്യയ്ക്കുവേണ്ടി ഓള്‍റൗണ്ടര്‍ അക്‌സര്‍ പട്ടേല്‍ കളിക്കും. രവീന്ദ്ര ജഡേജയ്ക്ക് പകരമാണ് അക്‌സര്‍ വീണ്ടും ടീമിലെത്തുന്നത്.
അഞ്ച് ഏകദിനങ്ങളുള്ള പരമ്പരയിലെ ആദ്യ മൂന്ന് മത്സരങ്ങളും ജയിച്ച് ഇന്ത്യ പരമ്പര സ്വന്തമാക്കിക്കഴിഞ്ഞു. ഈ മൂന്ന് മത്സരങ്ങള്‍ക്കുമുള്ള ടീമില്‍ അക്‌സറിനെ ഉള്‍പ്പെടുത്തിയിരുന്നെങ്കിലും പരിശീലനത്തിനിടെ ഏറ്റ പരിക്ക് മൂലം പിന്നീട് ഒഴിവാക്കപ്പെടുകയായിരുന്നു. അക്‌സറിന് പരിക്കേറ്റതിനെ തുടര്‍ന്നാണ്, ആദ്യം ഒഴിവാക്കപ്പെട്ടിരുന്ന രവീന്ദ്ര ജഡേജയെ ടീമിലേയ്ക്ക് തിരിച്ചുവിളിച്ചത്.
ഇന്‍ഡോറില്‍ നടന്ന മൂന്നം ഏകദിനത്തിലെ അഞ്ച് വിക്കറ്റ് ജയത്തോടെ പരമ്പര സ്വന്തമാക്കിയ ഇന്ത്യന്‍ ടീമില്‍ മറ്റ് മാറ്റങ്ങളൊന്നുമല്ല.
ചെന്നൈയില്‍ നടന്ന ഒന്നാം ഏകദിനത്തില്‍ 26 റണ്‍സിനും കൊല്‍ക്കത്തയില്‍ നടന്ന രണ്ടാം ഏകദിനത്തില്‍ 50 റണ്‍സിനുമായിരുന്നു ഇന്ത്യയുടെ ജയം.
നാലാം ഏകദിനം സെപ്റ്റംബര്‍ 28ന് ബെംഗളൂരുവിലും അഞ്ചാം ഏകദിനം ഒക്‌ടോബര്‍ ഒന്നിന് നാഗ്പുരിലുമാണ്.
ടീം: വിരാട് കോലി, രോഹിത് ശര്‍മ, കെ.എല്‍. രാഹുല്‍, മനീഷ് പാണ്‌ഡെ,കേദാര്‍ ജാദവ്, അജിങ്ക്യ രഹാനെ, എം.എസ്. ധോനി, ഹര്‍ദിക് പാണ്ഡ്യ, കുല്‍ദീപ് യാദവ്, യുസ്‌വേന്ദ്ര ചാഹല്‍, ജസ്പ്രീത് ഭൂംറ, ഭുവനേശ്വര്‍ കുമാര്‍, ഉമേഷ് യാദവ്, മുഹമ്മദ് ഷമി, അക്‌സര്‍ പട്ടേല്‍.
.jpg?$p=8896326&f=1x1&w=100&q=0.8)
.jpg?$p=c686dae&f=1x1&w=100&q=0.8)
.jpg?$p=c686dae&f=1x1&w=100&q=0.8)
