പുണെ: സംഘടനയില്‍നിന്ന് പുറത്തുപോയ അഹമ്മദ്‌നഗറിലെ ഡോ. വിജയ് മസ്‌കരെയെ ജാതിപ്പേരുപറഞ്ഞ് അവഹേളിക്കുകയും മര്‍ദിക്കുകയും ചെയ്തുവെന്ന ആരോപണത്തില്‍ ഭൂമാതാ ബ്രിഗേഡ് നേതാവ് തൃപ്തിദേശായിക്കുനേരേ പുണെയില്‍ പോലീസ് കേസെടുത്തു.
ജൂണ്‍ 27-ന് രാത്രി 11.30-ന് പുണെയില്‍നിന്ന് മുംബൈയ്ക്ക് പുറപ്പെട്ട ഡോ. വിജയ് മസ്‌കരെയുടെ കാര്‍ ബാലെവാഡി സ്‌പോര്‍ട്‌സ് സ്റ്റേഡിയത്തിനടുത്ത് തടഞ്ഞുനിര്‍ത്തി അധിക്ഷേപിക്കുകയും മര്‍ദിക്കുകയും ചെയ്തുവെന്നാണ് കേസ്.
കൈയിലുണ്ടായിരുന്ന 27,000 രൂപയും 15,000 രൂപയുടെ സ്വര്‍ണമാലയും തൃപ്തിദേശായിയും ഭര്‍ത്താവ് പ്രശാന്തും മറ്റ് രണ്ടുപേരും ചേര്‍ന്ന് കവര്‍ന്നെടുത്തുവെന്നുമാണ് പുണെ ഛത്രുസിംഗി പോലീസ് സ്റ്റേഷനില്‍ നല്‍കിയ പരാതിയില്‍ പറയുന്നത്.
