വാഷിങ്ടണ്‍: ഉത്തരകൊറിയന്‍ ഏകാധിപതി കിം ജോങ് ഉന്‍ ആണവായുധങ്ങളുള്ള കിറുക്കനാണെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ഫിലിപ്പിന്‍സ് പ്രസിഡന്റ് റോഡ്രിഗോ ഡുട്ടര്‍ടിയുമായി നടത്തിയ സ്വകാര്യ ഫോണ്‍സംഭാഷണത്തിലാണ് കിമ്മിനെ കിറുക്കനെന്ന് ട്രംപ് വിശേഷിപ്പിച്ചത്. ഏപ്രില്‍ 29 നാണ് ഇരുവരും ഫോണ്‍സംഭാഷണം നടത്തിയതെന്നാണ് റിപ്പോര്‍ട്ടുകള്‍. ഫിലിപ്പിന്‍സ് സര്‍ക്കാര്‍ പുറത്തുവിട്ടതാണ് സംഭാഷണ വിവരങ്ങള്‍.
ആണവായുധങ്ങളുമായി ഒരു കിറുക്കനെ ഇതുപോലെ അഴിച്ചുവിടാന്‍ സാധിക്കില്ലെന്നും തങ്ങളുടെ പക്കല്‍ ഉത്തരകൊറിയയേക്കാള്‍ ആക്രമണ ശേഷിയുണ്ടെന്നും ട്രംപ് പറഞ്ഞതായി ഫിലിപ്പിന്‍ സര്‍ക്കാര്‍ പുറത്തുവിട്ട രേഖകളില്‍ പറയുന്നു. കിം സ്ഥിരബുദ്ധിയുള്ളയാളാണോ അല്ലയോ എന്ന കാര്യങ്ങളാണ് ഇരുനേതാക്കളും സംസാരിച്ചത്. ഉത്തരകൊറിയയുടെ മിസൈലുകള്‍ തകര്‍ന്നുവീഴുന്നത് നല്ല വാര്‍ത്തയാണെന്നും ട്രംപ് അഭിപ്രായപ്പെട്ടു.
ട്രംപിന്റെ അഭിപ്രായങ്ങള്‍ ശരിവെച്ച ഡുട്ടര്‍ട്ടി കിമ്മിന്റെ മനോനില ശരിയല്ലെന്നും ചിലപ്പോള്‍ അയാള്‍ ഭ്രാന്തനേപ്പോലെയാണ് പെരുമാറുന്നതെന്നും അഭിപ്രായപ്പെട്ടു. കിം ജോങ് ഉന്നുമായി കൂടിക്കാഴ്ച നടത്താന്‍ അവസരം ലഭിച്ചാല്‍ അതിനെ ബഹുമതിയായി കാണുമെന്ന് ട്രംപ് അടുത്തിടെ പറഞ്ഞിരുന്നു. ഇതിന് ഒരുദിവസം മുമ്പാണ് ഡുട്ടര്‍ട്ടിയുമായുള്ള ഫോണ്‍സംഭാഷണം നടന്നത്.
RELATED STORIES
.jpg?$p=055e3e3&f=1x1&w=100&q=0.8)
Premium
.jpg?$p=a80322e&f=1x1&w=100&q=0.8)
Premium
.jpg?$p=8a7b7b1&f=1x1&w=100&q=0.8)
IN CASE YOU MISSED IT
