കൊച്ചി: നടനും സംവിധായകനുമായ നാദിര്‍ഷാ വീണ്ടും ചോദ്യം ചെയ്യലിന് ഹാജരാവണമെന്ന് പോലീസ്. ഞായറാഴ്ച രാവിലെ 10 ന് ആലുവാ പോലീസ് ക്ലബ്ബിലെത്തണം എന്നാണ് പോലീസ് നിര്‍ദേശം.
ചോദ്യംചെയ്യലിന് ഹാജരാകാന്‍ ഹൈക്കോടതി നേരത്തെ നാദിര്‍ഷായ്ക്ക് നിര്‍ദ്ദേശം നല്‍കിയിരുന്നു. മുന്‍കൂര്‍ ജാമ്യാപേക്ഷ സമര്‍പ്പിച്ച വേളയിലായിരുന്നു ഇത്. കോടതി നിര്‍ദേശത്തിന് ശേഷം നാദിര്‍ഷായെ ചോദ്യം ചെയ്യാന്‍ ശ്രമിച്ചെങ്കിലും ആരോഗ്യ പ്രശ്നങ്ങളെത്തുടര്‍ന്ന് ചോദ്യം ചെയ്യുന്നത് മറ്റൊരവസരത്തിലേക്ക് നീട്ടി വെക്കുകയായിരുന്നു.
കഴിഞ്ഞ ദിവസം ആരോഗ്യ സ്ഥിതി വീണ്ടെടുത്തതിനെ തുടര്‍ന്ന് ചോദ്യം ചെയ്യലിന് ഹാജരാവാമെന്ന് ചികിത്സയില്‍ കഴിയുന്ന നാദിര്‍ഷാ പോലീസിനെ അറിയിച്ചെങ്കിലും മറ്റൊരു ദിവസത്തേക്ക് ചോദ്യം ചെയ്യല്‍ പോലീസ് മാറ്റുകയായിരുന്നു.
കോടതി നിര്‍ദേശ പ്രകാരം ഇന്നലെ രാവിലെ 9.45 ഓടെയാണ് നാദിര്‍ഷ ആലുവ പോലീസ് ക്ലബ്ബില്‍ എത്തിയത്. തുടര്‍ന്ന് ചോദ്യം ചെയ്യലിനുള്ള പ്രാരംഭ നടപടികള്‍ പുരോഗമിക്കവെയാണ് നാദിര്‍ഷായുടെ രക്തസമ്മര്‍ദം ഉയര്‍ന്നത്.
RELATED STORIES
IN CASE YOU MISSED IT
