തിരുവനന്തപുരം; ഹോട്ടല്‍, റസ്‌റ്റോറന്റ് ഉടമകളുമായി ധനമന്ത്രി തോമസ് ഐസക് ചര്‍ച്ച നടത്തി. ജിഎസ്ടിയുടെ പേരില്‍ അമിത വില ഈടാക്കിയാല്‍ സര്‍ക്കാര്‍ കര്‍ശന നടപടി സ്വീകരിക്കുമെന്ന് മന്ത്രി യോഗത്തില്‍ വ്യക്തമാക്കി.
ഏതാനും ചില ഭക്ഷ്യോത്പന്നങ്ങള്‍ക്കു മാത്രമാണ് നേരിയ തോതില്‍ വില കൂടുന്ന സാഹചര്യമുള്ളത്. മറ്റുള്ളവയ്ക്കാകട്ടെ വില കുറയേണ്ടതാണ്. എന്നാല്‍ ചായയ്ക്കുള്‍പ്പെടെ വില വര്‍ധിപ്പിക്കുന്ന സാഹചര്യമാണ് ഇപ്പോള്‍ സംസ്ഥാനത്ത് നിലവിലുളളത്. ഇത് അംഗീകരിക്കാനാവില്ലെന്ന് ധനമന്ത്രി യോഗത്തില്‍ വ്യക്തമാക്കി.
ജിഎസ്ടി പ്രകാരം ചില നേരിയ നികുതിവ്യത്യാസങ്ങള്‍ മാത്രമാണ് ഹോട്ടല്‍ ഭക്ഷണത്തിന് ഉണ്ടാവേണ്ടത്. എന്നാല്‍ 18 ശതമാനം വരെ എല്ലാ ഭക്ഷണ സാധനങ്ങള്‍ക്കും അധികമായി ഈടാക്കുന്നതായി മനസ്സിലായിട്ടുണ്ട്. അമിത വില ഈടാക്കിയാല്‍ സര്‍ക്കാര്‍ പരിശോധിക്കുമെന്നും ധനമന്ത്രി പറഞ്ഞു. ഇന്നുതന്നെ ധനമന്ത്രിയുമായി ഒരു വട്ടംകൂടി ഹോട്ടല്‍ ഉടമകള്‍ ചര്‍ച്ച നടത്തുന്നുണ്ട്.
ജി.എസ്.ടി.യുടെ പേരിലുള്ള വിലക്കയറ്റത്തെക്കുറിച്ച് വിശദീകരിച്ച് കേന്ദ്രമന്ത്രി അരുണ്‍ ജെയ്റ്റ്ലിക്ക് ധനമന്ത്രി കത്തയച്ചിരുന്നു. നികുതിഭാരം കുറഞ്ഞതനുസരിച്ച് സാധനങ്ങളുടെ പരമാവധിവില (എം.ആര്‍.പി) പുതുക്കി നിശ്ചയിക്കണമെന്ന കേരളത്തിന്റെ ആവശ്യം ആവര്‍ത്തിച്ചാണ് കത്തയച്ചത്.
RELATED STORIES
%20(1).jpg?$p=6cee4b9&f=1x1&w=100&q=0.8)
IN CASE YOU MISSED IT
