ആലപ്പുഴ: കനത്ത മഴയും വെള്ളപ്പൊക്കവും ദുരിതം വിതച്ച ആലപ്പുഴ ജില്ലയില്‍ താത്കാലിക ആശുപത്രിയുമായി ഇന്ത്യന്‍ വ്യോമസേന. വ്യോമസേനയുടെ മൂന്നാം നമ്പര്‍ ബറ്റാലിയന്‍ ദ്രുതകര്‍മ സേനയാണ് ആശുപത്രിക്ക് രൂപം നല്‍കിയിരിക്കുന്നത്.
എയര്‍ഫോഴ്‌സ് കമാന്‍ഡര്‍ അനുമേഹയുടെ നേതൃത്വത്തില്‍ ഏഷ്യയിലെ തന്നെ ഏറ്റവും വിലയ എയര്‍ഫോഴ്‌സ് ടീമായ ഡല്‍ഹിയിലെ ഹിന്തോണ്‍ വ്യോമസേനയാണ് ആലപ്പുഴയിലെ മുനിസിപ്പല്‍ മൈതാനത്ത് ആശുപത്രി സജ്ജമാക്കിയത്.
തിരുവനന്തപുരത്ത് നിന്ന് 24-ന് ആലപ്പുഴയിലെത്തിയ സേന ആലപ്പുഴയ്ക്കുള്ള ഓണസമ്മാനമായാണ് ശനിയാഴ്ച പ്രവര്‍ത്തനം ആരംഭിച്ചത്. വെള്ളപ്പൊക്കവും പ്രളയവും ഏറ്റവുമധികം ദുരിതം വിതച്ചതിലൊരു ജില്ലയാണ് ആലപ്പുഴ.
ആലപ്പുഴ മെഡിക്കല്‍ കോളേജിലെ ഡോക്ടറായ ഡോ. ശരതാണ് വ്യോമസേന സജീകരിച്ച ആശുപത്രിയിലെ മെഡിക്കില്‍ ക്യാമ്പുകള്‍ ക്യാമ്പുകള്‍ ഏകോപിപ്പിക്കുന്നത്‌. വെള്ളപ്പൊക്കത്തിന്റെയും കനത്ത മഴയുടെയും പശ്ചാത്തലത്തില്‍ പകര്‍ച്ച വ്യാധി ഉള്‍പ്പെടെയുള്ളവ തടയുന്നതിനാണ് വ്യോമസേനയുടെ ഈ നടപടി.
വലിയ ആശുപത്രികളില്‍ ലഭിക്കുന്ന എല്ലാവിധ സൗകര്യങ്ങളോടും കൂടിയാണ് ആശുപത്രി സജീകരിച്ചിരിക്കുന്നത്. ഡെങ്കി, എലിപ്പനി തുടങ്ങി കന്നുകാലികളില്‍ നിന്ന് പകരുന്ന രോഗങ്ങള്‍ ഉള്‍പ്പെടെ പരിശോധിക്കാനുള്ള സൗകര്യമുള്ള ലാബും വ്യോമസേന ഇവിടെ സജ്ജമാക്കിയിട്ടുണ്ട്.
ഇതിന് പുറമെ, കിടപ്പ് രോഗികളെ പരിചരിക്കുന്നതിനായി പത്ത് കിടക്കകളും ഇവിടെ ഒരുക്കിയിട്ടുണ്ട്. പത്ത് പേരടങ്ങുന്ന വ്യോമസേന മെഡിക്കല്‍ ടീമില്‍ അഞ്ച് മലയാളികളെയും ഉള്‍പ്പെടുത്തിയിട്ടുണ്ട്.
RELATED STORIES
.jpg?$p=a80322e&f=1x1&w=100&q=0.8)
IN CASE YOU MISSED IT
