കൊച്ചി: നടി ആക്രമിക്കപ്പെട്ടതുമായി ബന്ധപ്പെട്ട് പോലീസില്‍ നിന്നും താന്‍ അനുഭവിക്കുന്നത് കൊടിയ പീഡനമാണെന്നും തന്റെ മരണമൊഴി എടുക്കാന്‍ മജിസ്‌ട്രേറ്റിനോട് ആവശ്യപ്പെടണമെന്നും പള്‍സര്‍ സുനി മാധ്യമങ്ങളോട് പറഞ്ഞു. ക്വട്ടേഷന്‍ ഉണ്ടോയെന്ന മാധ്യമങ്ങളുടെ ചോദ്യങ്ങള്‍ക്ക് അത് വെളിപ്പെടുത്തിയതാണ് തനിക്ക് വിനയായതെന്നും അതിന്റെ ഫലമാണ് ഇപ്പോള്‍ അനുഭവിക്കുന്നതെന്നും പള്‍സര്‍ സുനി പറഞ്ഞു.
ജയിലില്‍ കഴിയവെ മൊബൈല്‍ ഫോണ്‍ ഉപയോഗിച്ചുവെന്ന് കണ്ടെത്തിയതിനെ തുടര്‍ന്ന് കൂടുതല്‍ ചോദ്യം ചെയ്യലുകള്‍ക്ക് ഇന്‍ഫോ പാര്‍ക്ക് പോലീസ് സ്‌റ്റേഷനിലേക്ക് കൊണ്ടുപോകും വഴിയായിരുന്നു പള്‍സര്‍ സുനി മാധ്യമങ്ങളോട് താന്‍ അനുഭവിക്കുന്ന കൊടിയ പീഡനങ്ങളെ കുറിച്ച് പ്രതികരിച്ചത്. എന്നാല്‍ ആരാണ് ക്വട്ടേഷന്‍ നല്‍കിയത് എന്ന മാധ്യമ പ്രവര്‍ത്തകരുടെ ആവര്‍ത്തിച്ചുള്ള ചോദ്യങ്ങള്‍ക്ക് സുനി മറുപടിയൊന്നും നല്‍കിയില്ല.
നാദിര്‍ഷയെയും ദിലീപിന്റെ ഡ്രൈവര്‍ അപ്പുണ്ണിയെയും വിളിച്ചുവെന്ന് സുനി ചോദ്യം ചെയ്യലില്‍ സമ്മതിക്കുന്നുണ്ടെങ്കിലും എങ്ങനെ ഫോണ്‍ ജയിലിലെത്തിയെന്നും ആര് എത്തിച്ചുവെന്നും വ്യക്തമായ ഉത്തരം നല്‍കാന്‍ സുനി തയ്യാറായിട്ടില്ല. ഇതുവരെ തൃക്കാക്കര പോലീസ് സ്‌റ്റേഷനിലാണ് ചോദ്യം ചെയ്യല്‍ നടന്നതെങ്കിലും വൈദ്യ പരിശോധനയ്ക്ക് ശേഷം കൂടുതല്‍ ചോദ്യം ചെയ്യലുകള്‍ക്കായി പള്‍സര്‍ സുനിയെ ഇന്‍ഫോ പാര്‍ക്ക് പോലീസ് സ്‌റ്റേഷനില്‍ എത്തിച്ചിരിക്കുകയാണ്.
RELATED STORIES
.jpg?$p=a9f79d0&f=1x1&w=100&q=0.8)
IN CASE YOU MISSED IT
