കോട്ടയം: വൈക്കത്തുനിന്നും കോട്ടയം മെഡിക്കല്‍ കോളേജിലേക്ക് വരികയായിരുന്ന ആംബുലന്‍സ് നിയന്ത്രണം വിട്ട് മറിഞ്ഞ് രോഗിയടക്കം രണ്ടുപേര്‍ മരിച്ചു.
അസുഖബാധിതനായി മെഡിക്കല്‍ കോളേജിലേക്ക് കൊണ്ടുപോവുകയായിരുന്ന രാമചന്ദ്രന്‍, സഹായി ആനൂപ് എന്നിവരാണ് മരിച്ചത്.
ഇന്നലെ അര്‍ദ്ധരാത്രിയോടെ തലയോലപ്പറമ്പിനടുത്ത് പൊട്ടന്‍ചിറയിലായിരുന്നു അപകടം. അപകടത്തില്‍ പരിക്കേറ്റ ഡ്രൈവറെയും മറ്റൊരാളെയും സ്വകാര്യആസ്പത്രിയില്‍ പ്രവേശിപ്പിച്ചു.
