തിരുവനന്തപുരം: ബി.ജെ.പി സംസ്ഥാന അധ്യക്ഷന്‍ അഡ്വ. പി.എസ്. ശ്രീധരന്‍ പിള്ളയ്ക്ക് വധഭീഷണി. ബി.ജെ.പി സംസ്ഥാന ആസ്ഥാനത്താണ് ഭീഷണിക്കത്ത് ലഭിച്ചതെന്ന് പാര്‍ട്ടി നേതൃത്വം വാര്‍ത്താക്കുറിപ്പില്‍ അറിയിച്ചു. മുംബൈ മലയാളിയെന്ന് അവകാശപ്പെടുന്ന വ്യക്തി പേരും വിലാസവും അടക്കമുള്ളവ വെളിപ്പെടുത്തിക്കൊണ്ടാണ് ഭീഷണിക്കത്ത് അയച്ചിട്ടുള്ളത്.
മോഹന്‍ കെ. നായര്‍ എന്ന പേരാണ് കത്തിലുള്ളത്. മഹാരാഷ്ട്രയിലെ മഹാബലേശ്വരില്‍ നിന്ന് സ്പീഡ്പോസ്റ്റിലാണ് കത്തു വന്നത്.
ഒക്ടോബര്‍ 29ന് എഴുതിയ കത്തില്‍ ഇയാള്‍ കേരളപ്പിറവി ദിനത്തില്‍ സംസ്ഥാനത്തെത്തുമെന്നും അറിയിച്ചിട്ടുണ്ട്. കാസര്‍കോട് നിന്നു ശ്രീധരന്‍ പിള്ള ആരംഭിക്കാനിരിക്കുന്ന ശബരിമല സംരക്ഷണ രഥയാത്രയോടൊപ്പം ഇയാളും ഉണ്ടാവും എന്നാണു വെളിപ്പെടുത്തയിട്ടുള്ളത്. 'രാജീവ് ഗാന്ധിയുടേത് പോലുള്ള അന്ത്യം' ആയിരിക്കും ബിജെപി സംസ്ഥാന അധ്യക്ഷന്‍ നേരിടുക എന്നാണു കത്തിലെ ഭീഷണി.
കത്തിന്റെ പൂര്‍ണരൂപം ഇങ്ങനെ
'താങ്കളുടെ സമയം അടുത്തു. ഇനി എന്തെങ്കിലും ആഗ്രഹം ബാക്കിയുണ്ടെങ്കില്‍ വേഗം ചെയ്തു തീര്‍ക്കണം.
നിങ്ങള്‍ കള്ള സന്യാസിമാരുടെ കൂടെ ആണ് നില്‍ക്കുന്നത്. യഥാര്‍ത്ഥ സന്യാസിമാരെ തേജോവധം ചെയ്യാന്‍ BJPക്കാരെ നിയമിക്കുന്നു.
ഞാന്‍ 66 വയസ്സുള്ള ഒരു മലയാളി ആണ് 1977 മുതല്‍ ബോംബെയില്‍ ജീവിക്കുന്നു. എന്റെ എല്ലാ കര്‍ത്തവ്യവും കഴിഞ്ഞു. ഈ കേരള പിറവിയോടെ ഞാന്‍ നാട്ടിലെത്തും. താങ്കളുടെ രഥയാത്രയില്‍ ഞാന്‍ പങ്കുചേരും. കേരളീയര്‍ ഒരു ചൂടുള്ള വാര്‍ത്ത കാണട്ടെ ! രാജീവ് ഗാന്ധിയുടെ അന്ത്യം പോലെ.'
RELATED STORIES
.jpg?$p=dbf9912&f=1x1&w=100&q=0.8)
.jpg?$p=1990e2a&f=1x1&w=100&q=0.8)
IN CASE YOU MISSED IT
