ന്യൂഡല്‍ഹി: ഫീസ് വര്‍ധനവിനെതിരെ ജെ.എന്‍.യു വിദ്യാര്‍ഥികള്‍ നടത്തുന്ന സമരത്തിന് പിന്തുണ അര്‍പ്പിച്ച് സമൂഹമാധ്യമ ലോകം. ട്വിറ്ററില്‍ നികുതി നല്‍കുന്നവര്‍ ജെ.എന്‍.യുവിനൊപ്പം എന്ന അര്‍ഥം വരുന്ന ടാക്‌സ്‌പേയേഴ്‌സ് വിത്ത് ജെ.എന്‍.യു ( #TaxPayersWithJNU)എന്ന ഹാഷ് ടാഗാണ് ട്വിറ്ററില്‍ ട്രെന്‍ഡിങ് ആയിരിക്കുന്നത്.
നികുതിപ്പണം വിദ്യാഭ്യാസം, കര്‍ഷക ക്ഷേമം, ആരോഗ്യ സംരക്ഷണം, മലിനീകരണ നിയന്ത്രണം തുടങ്ങിയ കാര്യങ്ങള്‍ക്കായാണ് ഉപയോഗിക്കേണ്ടതെന്നും അല്ലാതെ പ്രതിമ നിര്‍മാണത്തിനോ ഭരണാധികാരികളുടെ വിദേശ യാത്രക്കോ അല്ലെന്നുമുള്ള ട്വീറ്റുകളാണ് ഈ ഹാഷ്ടാഗില്‍ പ്രചരിക്കുന്നത്.
പൊതുമേഖലാ സ്ഥാപനങ്ങളുടെ ഓഹരി വിറ്റഴിച്ച് പണം സമാഹരിക്കാനുള്ള കേന്ദ്രസര്‍ക്കാരിന്റെ നടപടികളെയും ചിലര്‍ വിമര്‍ശിക്കുന്നുണ്ട്. വിദ്യാഭ്യാസം നേടുന്നതിനുള്ള ചിലവ് എല്ലാവര്‍ക്കും ഒരേപോലെ താങ്ങാന്‍ സാധിക്കുന്നതാകണമെന്ന നിലപാടുകളും ചിലര്‍ പങ്കുവെക്കുന്നുണ്ട്.
Content Highlights: #TaxpayerswithJNU trending on Twitter
RELATED STORIES
IN CASE YOU MISSED IT
