കരിംനഗര്‍ (ആന്ധ്രാപ്രദേശ്) : സിവില്‍ സര്‍വീസ് പരീക്ഷയിലെ പരാജയത്തെത്തുടര്‍ന്ന് മനോനില തെറ്റി അക്രമാസക്തനായ ഇലക്ട്രോണിക്‌സ് എഞ്ചിനീയറെ പോലിസ് വെടിവെച്ച് കൊന്നു. ആന്ധ്രപ്രദേശിലെ കരിംനഗറില്‍ സിഖ് വംശജനായ ബല്‍വിന്ദീര്‍ സിങാണ് (28) മരിച്ചത്.
ചൊവ്വാഴ്ച രാവിലെ 6.30ന് നാട്ടുകാരെ ഞെട്ടിച്ച സംഭവം ഉണ്ടായത്. മാതാപിതാക്കളുമായുണ്ടായ വാക്കുതര്‍ക്കത്തിനിടെ ചുമരില്‍ തൂക്കിയിട്ടിരുന്ന വാളെടുത്ത് ബല്‍വീന്ദര്‍ സിങ് മാതാപിതാക്കളെ വെട്ടി പരിക്കേല്‍പ്പിക്കുകയായിരുന്നു.
ബല്‍വീന്ദറിന്റെ അച്ഛന് തലയ്ക്കും അമ്മയ്ക്ക് അടിവയറ്റിലും ഗുരുതരമായി മുറിവേറ്റു. മകന്റെ അപ്രതീക്ഷിതമായ അക്രമത്തില്‍ ഭയചികിതരായ മാതാപിതാക്കള്‍ വീട്ടില്‍ നിന്നിറങ്ങിയോടി. എന്നാല്‍ ഇരുവരെയും പിന്തുടര്‍ന്ന് ബല്‍വീന്ദര്‍ ആക്രമണം തുടരുകയായിരുന്നു. ഇരുവരും ബോധരഹിതരായപ്പോള്‍ ബല്‍വീന്ദര്‍ വാളുമായി തെരുവിലിറങ്ങി നാട്ടുകാര്‍ക്കു നേരെ അക്രമം നടത്തി. റോഡില്‍വെച്ച് ഒരു ഓട്ടോഡ്രൈവറെയും സ്‌കൂള്‍ വിദ്യാര്‍ത്ഥിയെയും അക്രമിക്കാന്‍ ശ്രമിച്ചു.
ബല്‍വീന്ദര്‍ സിങ് ഇലക്ടോണിക്സ് എഞ്ചിനീയറായി ബെംഗ്ലരൂവില്‍ ജോലി ചെയ്ത് വരികയായിരുന്നു. സിവില്‍ സര്‍വീസ് പരീക്ഷ എഴുതുയിരുന്നുവെങ്കിലും പരാജയപ്പെട്ടു. തുടര്‍ന്നുണ്ടായ മാനസിക വിഷമത്തെതുടര്‍ന്ന് അസ്വഭാവിക പെരുമാറിയ ബല്‍വീന്ദറിനെ ചികിത്സയ്ക്ക് വിധേയനാക്കിയിരുന്നുവെന്ന് മാതാപിതാക്കള്‍ പറഞ്ഞതായി എസ്.പി. രാമരാവു പറഞ്ഞു.
RELATED STORIES
.jpg?$p=3ca10ba&f=1x1&w=100&q=0.8)
.jpg?$p=8a7b7ed&f=1x1&w=100&q=0.8)
IN CASE YOU MISSED IT
