ബീജിങ്: ജമ്മു കശ്മീരിലെ ലെ ജില്ലയില്‍ പെട്ട ഡെംചോക്കില്‍ ചൈന സാറ്റലൈറ്റ് ഫോണ്‍ ഉപയോഗിച്ച് ചാരപ്രവര്‍ത്തനം നടത്തുന്നതായി ഇന്റലിജന്‍സ് മുന്നറിയിപ്പ്.
ഇന്ത്യന്‍ സൈന്യവും-ചൈനീസ് പീപ്പള്‍ ലിബറേഷന്‍ ആര്‍മിയും തമ്മില്‍ പലതവണ ചര്‍ച്ചകള്‍ നടന്ന സ്ഥലമാണ് ഡെംചോക് ഗ്രാമം. എന്നാല്‍ ചൈന ഫോണ്‍ പ്രവര്‍ത്തിപ്പിക്കുന്നത് ഡെംചോക്കില്‍ നിന്നല്ലെന്നും ഇന്റലിജന്‍സ് വൃത്തങ്ങള്‍ സൂചിപ്പിക്കുന്നുണ്ട്. വിവരങ്ങള്‍ പുറത്ത് വന്നതോടെ സൈനികര്‍ക്ക് അതീവ ജാഗ്രതാ നിര്‍ദേശവും ബന്ധപ്പെട്ടവര്‍ നല്‍കിയിട്ടുണ്ട്.
ഡെംചോക്ക് ഗ്രാമത്തിന്റെ 35 കിലോമീറ്റര്‍ ചുറ്റളവില്‍ നവംബര്‍ 15 ന് വൈകുന്നേരം 3.41 മുതല്‍ 3.45 വരെ ഫോണ്‍ പ്രവര്‍ത്തിച്ചിരുന്നതായി കണ്ടെത്തിയിട്ടുണ്ട്. ഇവ ചൈനീസ് നമ്പറുമായി ബന്ധപ്പെട്ടിരിക്കുന്നതാണ്. 2015,2016 കാലത്ത് ഈ മൂന്ന് നമ്പറുകളും ടിബറ്റിലും അരുണാചല്‍ പ്രദേശിലും ആക്ടീവായി കാണപ്പെട്ടിരുന്നതായി ബന്ധപ്പെട്ടവര്‍ പറയുന്നു.
അയല്‍ രാജ്യങ്ങളില്‍ നിന്ന് ഇത്തരത്തിലുള്ള ചാരപ്രവൃത്തി അസാധാരണമാണെന്നും ഇത്തരം കാര്യങ്ങള്‍ പ്രതിരോധ മന്ത്രാലയം ഒരു തരത്തിലും അനവദിക്കില്ലെന്നും വിവരങ്ങള്‍ പുറത്ത് വന്ന ശേഷം ആഭ്യന്തര സഹമന്ത്രി ഹന്‍സരാജ് അഹീര്‍ പ്രതികരിച്ചു.
RELATED STORIES
IN CASE YOU MISSED IT
