പരിണീതിയുടെ വ്യക്തിത്വം പ്രതിഫലിക്കുന്ന ഡിസൈനാണ് വീടിന്റെ ഇന്റീരിയറിനും
മുംബൈ ബാദ്രയിലെ കടലിലേക്ക് മിഴി തുറക്കുന്ന ബാല്‍ക്കണിയാണ് പരിണീതി ചോപ്രയ്ക്ക് ഏറ്റവും പ്രിയപ്പെട്ട ഇടം. സിനിമയുടെ തിരക്കുകളില്‍ നിന്നും മാറിയാല്‍ പരിണീതി വിശ്രമിക്കാന്‍ ചിലവഴിക്കുന്ന ഏറ്റവും പ്രിയപ്പെട്ട ഇടമാണ് ഈ വീട്. ഇന്റീരീയറിന്റെ 75 ശതമാനവും പരിണീതിയുടെ ഇഷ്ടങ്ങള്‍ക്ക് പ്രധാന്യം നല്‍കി നിര്‍മിച്ചതാണ്.
വുഡന്‍ ഫിനിഷിങ്ങ് വര്‍ക്കുകള്‍ ധാരാളമുള്ള വീട്ടില്‍ ചുവരുകളിലും ഫ്‌ളോറിലും ഓഫ് വൈറ്റ് നിറങ്ങളാണ് പ്രധാനമായും ഉപയോഗിച്ചിരിക്കുന്നത്.
സ്വീകരണമുറിയിലെ ചുവരുകളെ മനോഹരമാക്കുന്ന നിറയെ പുസ്തകങ്ങളുള്ള വലിയ ലൈബ്രറിയാണ്. പരിണീതിയ്ക്ക് കിട്ടിയ അവാര്‍ഡുകളെല്ലാം സ്വീകരണമുറിയില്‍ പ്രദര്‍ശിപ്പിച്ചിട്ടുണ്ട്.
കിടപ്പുമുറിയിലിരുന്നാലും ബാല്‍ക്കണിയിലിരുന്നാലും കടല്‍ കാണാവുന്ന വിധത്തിലാണ് വീടിന്റെ രൂപകല്‍പ്പന. ബാല്‍ക്കണിയില്‍ ഒരു വെര്‍ട്ടിക്കള്‍ ഗാര്‍ഡനും ചെറിയൊരു സിറ്റിങ്ങ് ഏരിയയും ക്രമീകരിച്ചിരിക്കുന്നു . സ്റ്റോറി ബുക്ക് വാള്‍ ആണ് പരിണീതിയുടെ വീട്ടിലെ ഇന്റീരിയര്‍ സ്‌പെഷ്യല്‍.
കുട്ടിക്കാലത്ത് അമ്മ നല്‍കിയ പ്രിയപ്പെട്ട പുസ്തകങ്ങളുടെ പുറം ചട്ടകള്‍ ഈ ചുവരുകളില്‍ പതിപ്പിച്ച് മനോഹരമാക്കി വച്ചിരിക്കുന്നു. ശബ്‌നം ഗുപ്തയെന്ന ഇന്റീരിയര്‍ ഡിസൈനര്‍ ആണ് പരിണീതി തന്റെ വീട് ഡിസൈന്‍ ചെയ്തിരിക്കുന്നത്.
.jpg?$p=d322307&f=1x1&w=100&q=0.8)
.jpg?$p=7e4c243&f=1x1&w=100&q=0.8)
.jpg?$p=246738b&f=1x1&w=100&q=0.8)
