ഇന്ത്യന് സിനിമാ മേഖലയില് ആഞ്ഞടിക്കുകയാണ് മീ ടൂ തരംഗം. എന്നാല് മറ്റു ഭാഷകളെ അപേക്ഷിച്ച് തെലുങ്ക് സിനിമയില് സ്ത്രീകള് കൂടുതല് സുരക്ഷിതരാണെന്ന് പറയുകയാണ് സൂപ്പർസ്റ്റാർ അല്ലു അര്ജുന്.
വിജയ് ദേവരകൊണ്ട നായകനാകുന്ന ടാക്സിവാലയുടെ പ്രീ റിലീസ് ചടങ്ങിനിടെ മീ ടൂ കാമ്പയിനുമായി ബന്ധപ്പെട്ട ചോദ്യത്തിന് ഉത്തരം നല്കുകയായിരുന്നു അല്ലു അര്ജുന്.
'പീഡനാനുഭവങ്ങള് മറച്ചുവയ്ക്കാതെ സ്ത്രീകള് തുറന്നു സംസാരിക്കുന്നത് നല്ല മാറ്റമാണെന്ന് ഞാന് കരുതുന്നു. തെലുങ്ക് സിനിമയില് സ്ത്രീകള് താരതമ്യേന സുരക്ഷിതരാണ്. മറ്റ് ഏത് സിനിമാ മേഖലയെ അപേക്ഷിച്ച് നോക്കിയാലും തെലുങ്ക് സിനിമാ മേഖലയാണ് ഏറ്റവും ശുദ്ധം.
ഇവിടെ ജോലി ചെയ്യുന്ന ഏത് വനിതാ സിനിമാ പ്രവര്ത്തകരോടും നിങ്ങള്ക്ക് ചോദിച്ച് നോക്കാം, അവരും അക്കാര്യം സാക്ഷ്യപ്പെടുത്തും. സ്ത്രീകളെ ഏറ്റവും കൂടുതല് ബഹുമാനിക്കുന്നത് തെലുങ്ക് സിനിമയാണ്'- അല്ലു അര്ജുന് പറഞ്ഞു.
Content Highlights : MeToo movement Allu Arjun Telugu film industry is the cleanest taxiwala pre release function allu
Share this Article
Related Topics