'അമര്‍ അക്ബര്‍ അന്തോണി' എന്ന ഹിറ്റ് ചിത്രത്തിനുശേഷം നാദിര്‍ഷ സംവിധാനം ചെയ്യുന്ന 'കട്ടപ്പനയിലെ ഋത്വിക് റോഷന്‍' എന്ന ചിത്രത്തിന്റെ ഫസ്റ്റ് ലുക്ക് പുറത്തിറങ്ങി. ചിത്രത്തിന്റെ നിര്‍മാതാക്കളിൽ ഒരാളായ ദിലീപ് തന്റെ ഫേസ്ബുക്ക് പേജില്‍ പോസ്റ്റര്‍ ആരാധകര്‍ക്കായി പങ്കുവച്ചു.
പുതുമയുള്ള ആശയം, ഹാസ്യം,വളരെ വ്യത്യസ്തമായ കഥാ സന്ദർഭങ്ങൾ, ഇതൊക്കെയാണ് 'കട്ടപ്പനയിലെ ഋത്വിക് റോഷന്‍'' എന്ന ചിത്രം നിര്‍മിക്കാന്‍ എന്നെ പ്രേരിപ്പിച്ച ഘടകങ്ങളെന്ന് ദിലീപ് പറയുന്നു
എന്നെ വളര്‍ത്തിയ എന്റെ പ്രിയപ്പെട്ട പ്രേക്ഷകരോട്, ഏറെ പ്രതീക്ഷയോടെ ഒരു കൊച്ചു നല്ല സിനിമയുമായി നിങ്ങളുടെ മുന്നിലേക്ക് വരുകയാണ്, പുതുമയുള്ള ആശയം, ഹാസ്യം, വളരെ വ്യത്യസ്തമായ കഥാമുഹൂര്‍ത്തങ്ങള്‍, ഇതൊക്കയാണ് 'കട്ടപ്പനയിലെ ഋത്വിക് റോഷന്‍'' എന്ന ചിത്രം നിര്‍മിക്കാന്‍ എന്നെ പ്രേരിപ്പിച്ച ഘടകങ്ങള്‍.
ഡോക്ടര്‍ സഖറിയാ തോമസിനോടൊപ്പം ഞാന്‍ നിര്‍മിച്ച് നാദിര്‍ഷ സംവിധാനം ചെയ്യുന്ന 'കട്ടപ്പനയിലെ ഋത്വിക് റോഷന്‍' എന്ന ചിത്രത്തിന് ഞങ്ങളുടെ കൂടെ നിങ്ങളും, നിങ്ങളുടെ പ്രോത്സാഹനവും പ്രാര്‍ഥനകളും ഉണ്ടാകും എന്ന് വിശ്വാസത്തോടെ ആദ്യത്തെ പോസ്റ്റര്‍ നിങ്ങളുടെ മുന്നിലേക്ക്, നിങ്ങളുടെ സ്വന്തം ദിലീപ്.
'അമര്‍ അക്ബര്‍ അന്തോണി'യുടെ തിരക്കഥാക്കൃത്തുക്കളില്‍ ഒരാളും നടനുമായ വിഷ്ണു ഉണ്ണികൃഷ്ണനാണ് കേന്ദ്ര കഥാപാത്രത്തെ അവതരിപ്പിക്കുന്നത്. പ്രയാഗ മാര്‍ട്ടിന്‍, 'മഹേഷിന്റെ പ്രതികാരം' ഫെയിം ലിജോമോള്‍ എന്നിവരാണ് ചിത്രത്തിലെ നായികമാര്‍.
രാഹുല്‍ മാധവ്, സിജു വിത്സണ്‍, സലിംകുമാര്‍, സിദ്ദിഖ്, കോട്ടയം നസീര്‍, കലാഭവന്‍ ഷാജോണ്‍, വിനോദ് കെടാമംഗലം, ധര്‍മജന്‍ ബോള്‍ഗാട്ടി, കലാഭവന്‍ ഹനീഫ്, ജോര്‍ജ് ഏലൂര്‍, പ്രദീപ് കോട്ടയം, സുബ്രഹ്മണ്യന്‍ ബോള്‍ഗാട്ടി, സ്വാസിക, സീമ ജി. നായര്‍ തുടങ്ങിയവരാണ് മറ്റ് താരങ്ങള്‍.
RELATED STORIES
.jpg?$p=d678a52&f=1x1&w=100&q=0.8)
.jpg?$p=298ab5c&f=1x1&w=100&q=0.8)
.jpg?$p=79c0b37&f=1x1&w=100&q=0.8)
IN CASE YOU MISSED IT
