വാര്‍ത്തകേട്ട് ഞെട്ടേണ്ട! ഷാരൂഖ് ഖാന്റെ 'ദില്‍വാലെ'യാണ് 2015-ലെ മോശം ചിത്രം. സല്‍മാന്‍ഖാന്‍ നായകനായ പ്രേം രത്തന്‍ ധന്‍ പായോയിലെ അഭിനയത്തിന് സോനം കപൂര്‍ ഏറ്റവും മോശം നടിയുമായി. എട്ടാമത് ഗോള്‍ഡന്‍ കേല അവാര്‍ഡാണ് ഞായറാഴ്ച പ്രഖ്യാപിച്ചത്.
ഹോളിവുഡിലെ മോശം ചിത്രങ്ങള്‍ക്ക് നല്‍കുന്ന റാസി അവാര്‍ഡിന് സമാനമായിട്ടാണ് ബോളിവുഡില്‍ ഗോള്‍ഡന്‍ കേല (സുവര്‍ണ വാഴപ്പഴം) അവാര്‍ഡ് ഏര്‍പ്പെടുത്തിയിട്ടുള്ളത്.
ബോളിവുഡിന് നിരാശ സമ്മാനിച്ച ബോംബെ വെല്‍വറ്റ്, ഷാന്‍ദാര്‍, തേവര്‍, സിങ് ഈസ് ബ്‌ളിങ് തുടങ്ങിയവയെയാണ് ദില്‍വാലെ തോല്‍പ്പിച്ചത്. സൂരജ് ഭര്‍ജത്യ മോശം സംവിധായകനായി.
ഹീറോ എന്ന ചിത്രത്തിലൂടെ മികച്ച പുതുമുഖനടനായി വിവിധ അവാര്‍ഡ് വേദികളില്‍ തിളങ്ങിയ സൂരജ് പഞ്ചോളി ഗോള്‍ഡന്‍ കേലയുടെ വര്‍ഷത്തെ മോശം നടനായി.
അര്‍ജുന്‍ രാംപാല്‍, അര്‍ജുന്‍ കപൂര്‍, ഇമ്രാന്‍ ഖാന്‍ എന്നിവരാണ് സൂരജിനോട് സുല്ല് പറഞ്ഞത്.
RELATED STORIES
.jpg?$p=23cca9c&f=1x1&w=100&q=0.8)
.jpg?$p=ea79d92&f=1x1&w=100&q=0.8)
IN CASE YOU MISSED IT
