തന്റെ പുതിയ സംവിധാന സംരഭമായ കേശു ഈ വീടിന്റെ നാഥനില്‍ എന്ന ചിത്രത്തില്‍ നിന്നും ദിലീപ് ഒഴിവായെന്ന വാര്‍ത്ത അടിസ്ഥാനരഹിതമാണെന്ന് നാദിര്‍ഷ. ദിലീപ് പിന്‍മാറിയതോടെ ചിത്രം പാതിവഴിയില്‍ ഉപേക്ഷിച്ചതായി വന്ന വാര്‍ത്തകളോടു പ്രതികരിക്കുകയായിരുന്നു അദ്ദേഹം. ചിത്രത്തില്‍ നായകനായി ദിലീപാണ് എത്തേണ്ടിയിരുന്നത്.
ദിലീപ് ചിത്രത്തില്‍ നിന്നു പിന്മാറിയെന്ന വാര്‍ത്തകള്‍ തെറ്റാണ്. അദ്ദേഹമാണ് ഈ ചിത്രം നിര്‍മിക്കുന്നത്. തൊണ്ണൂറുകാരനായ ഒരു കഥാപാത്രത്തെ ചുറ്റിപ്പറ്റിയാണ് സിനിമ. കമ്മാരസംഭവത്തില്‍ ദിലീപ് അതേ ഗെറ്റപ്പില്‍ വന്നിരുന്നു. ഒരേപോലിരിക്കുന്ന കഥാപാത്രങ്ങള്‍ ആവര്‍ത്തിക്കാതിരിക്കാനാണ് ദിലീപ് നായകസ്ഥനത്ത് നിന്ന് മാറിയത്- നാദിര്‍ഷ പറഞ്ഞു.
തൊണ്ടിമുതലും ദൃക്സാക്ഷിയും എന്ന ചിത്രത്തിന്റെ തിരക്കഥാകൃത്തായ സജീവ് പാഴൂരാണ് കേശു ഈ വീടിന്റെ നാഥന്റെ തിരക്കഥ ഒരുക്കുന്നത്. തൊണ്ടിമുതലിലേതു പോലെ തന്നെ റിയലിസ്റ്റിക് ചിത്രമായിരിക്കും ഇതെന്ന് ചിത്രത്തിന്റെ അണിയറ പ്രവര്‍ത്തകര്‍ വ്യക്തമാക്കുന്നു.
RELATED STORIES
.jpg?$p=d678a52&f=1x1&w=100&q=0.8)
.jpg?$p=298ab5c&f=1x1&w=100&q=0.8)
.jpg?$p=79c0b37&f=1x1&w=100&q=0.8)
IN CASE YOU MISSED IT
