- സുനി ഫോണ്‍വിളിക്കുന്നതിന്റെ ദൃശ്യങ്ങള്‍ കിട്ടി
- നടിയുടെ മൊഴി വീണ്ടും രേഖപ്പെടുത്താനും സാധ്യത
ഗൂഢാലോചന തെളിയിക്കുന്നതില്‍ ജയിലിലെ ഫോണ്‍വിളി നിര്‍ണായകമാകുമെന്നാണ് പോലീസ് കണക്കുകൂട്ടുന്നത്. നടന്‍ ദിലീപിന്റെ മാനേജര്‍ അപ്പുണ്ണിയെയും സംവിധായകന്‍ നാദിര്‍ഷയെയും ജയിലില്‍നിന്ന് സുനി ഫോണില്‍ ബന്ധപ്പെട്ടിരുന്നുവെന്നാണ് സഹതടവുകാരന്‍ ജിന്‍സന്റെ മൊഴി.
പുറത്തുനിന്ന് ജയിലില്‍ ഫോണ്‍ എത്തിച്ചത് സംബന്ധിച്ച് ജയില്‍ അധികൃതരുടെ റിപ്പോര്‍ട്ടിന്റെ അടിസ്ഥാനത്തില്‍ ഇന്‍ഫോപാര്‍ക്ക് സി.ഐ. പി.കെ. രാധാമണിയുടെ നേതൃത്വത്തിലും സമാന്തര അന്വേഷണം പുരോഗമിക്കുകയാണ്. മാലമോഷണക്കേസിലെ പ്രതിയും സുനിയുടെ സഹതടവുകാരനുമായിരുന്ന ഇടപ്പള്ളി സ്വദേശി വിഷ്ണു ജയില്‍മോചിതനായശേഷമാണ് ഫോണ്‍ ജയിലില്‍ എത്തിയതെന്നാണ് ജയില്‍ അധികൃതര്‍ സംശയിക്കുന്നത്. ജയിലില്‍ കഴിയുന്ന പള്‍സര്‍ സുനിയെ സന്ദര്‍ശിക്കാനെത്തിയ സമയത്താണ് വിഷ്ണു ഫോണ്‍ ഒളിപ്പിച്ച് കടത്തിയതെന്നും പോലീസ് സംശയിക്കുന്നുണ്ട്. സി.സി.ടി.വി. ദൃശ്യങ്ങളിലൂടെ ഇതിനെല്ലാമുള്ള വ്യക്തമായ ഉത്തരങ്ങള്‍ കിട്ടിയെന്നാണ് സൂചനകള്‍.
ആക്രമിക്കപ്പെട്ട നടിയുടെ മൊഴി വീണ്ടും രേഖപ്പെടുത്താനും സാധ്യതയുണ്ട്. മൊഴിയിലെ വൈരുധ്യങ്ങളെക്കുറിച്ചുള്ള സംശയം നീക്കുന്നതിനാണിത്.
RELATED STORIES
.jpg?$p=298ab5c&f=1x1&w=100&q=0.8)
.png?$p=61d487d&f=1x1&w=100&q=0.8)
.jpg?$p=86eb8fa&f=1x1&w=100&q=0.8)
IN CASE YOU MISSED IT
