ബിരിയാണി എന്നു കേള്‍ക്കുമ്പോഴേക്കും നാവില്‍ വെള്ളമൂറുന്നവരാണ് ഏറെയും. ബിരിയാണിയില്‍ വൈവിധ്യങ്ങള്‍ ഏറെയുണ്ട്. വെജിറ്റബിള്‍ ബിരിയാണി തൊട്ട് ചിക്കന്‍, ബിഫ്, മട്ടണ്‍, എഗ് തുടങ്ങി ഇഷ്ടത്തിനനുസരിച്ച് ബിരിയാണികള്‍ തിരഞ്ഞെടുക്കാം. എന്നാല്‍ അധികമാരും പരീക്ഷിച്ചിരിക്കാന്‍ ഇടയില്ലാത്ത ഒരു വെറൈറ്റി ബിരിയാണിയായാലോ? ബ്രേക്ഫാസ്റ്റിനു മാത്രമല്ല നല്ല അസ്സല്‍ ബിരിയാണി തയ്യാറാക്കാനും ബെസ്റ്റാണ് ഇടിയപ്പം. ഇടിയപ്പവും ചിക്കനും കൊണ്ട് കിടിലന്‍ ബിരിയാണിയുണ്ടാക്കുന്നത് എങ്ങനെയെന്നു നോക്കാം.
ചേരുവകള്‍
ചിക്കന്‍ നുറുക്കിയത്അര കിലോ
സവാള അരിഞ്ഞത്ആറെണ്ണം
തക്കാളി അരിഞ്ഞത്നാലെണ്ണം
പച്ചമുളക് അരിഞ്ഞത്15 എണ്ണം
പുതിനയില, ഉപ്പ്ആവശ്യത്തിന്
നെയ്യ്100 ഗ്രാം
കറുവാപ്പട്ടഒരു ഇഞ്ച് കഷ്ണം
ഗ്രാമ്പൂ, ഏലക്കായനാലെണ്ണം വീതം
ഇഞ്ചി-വെളുത്തുള്ളി പേസ്റ്റ്ഒരു ടീസ്പൂണ്‍
തൈര്ഒരു കപ്പ്
മഞ്ഞള്‍പൊടിഒരു ടീസ്പൂണ്‍
മുളകുപൊടിഅര ടീസ്പൂണ്‍
ചെറുനാരങ്ങഒന്ന്
കശുവണ്ടിപത്തെണ്ണം
റോസ് എസ്സന്‍സ്രണ്ട് തുള്ളി
ഇടിയപ്പം വേവിച്ചത്20 എണ്ണം
തേങ്ങകാല്‍ കപ്പ്
തയ്യാറാക്കുന്ന വിധം
ചിക്കനില്‍ തൈര്, മഞ്ഞള്‍പൊടി, മുളകുപൊടി, ഉപ്പ് എന്നിവ പുരട്ടി മാരിനേറ്റ് ചെയ്യാന്‍ വെയ്ക്കുക. കുക്കറില്‍ നെയ്യ് ചൂടാക്കി, അതില്‍ കറുവാപ്പട്ട, ഗ്രാമ്പൂ, ഏലക്കായ എന്നിവയിട്ട് വഴറ്റുക. ശേഷം സവാളയിട്ട് ബ്രൗണ്‍നിറമാവുന്നതുവരെ 15 മിനിട്ട് വഴറ്റുക. ഇഞ്ചി-വെളുത്തുള്ളി പേസ്റ്റ് ചേര്‍ത്തശേഷം അതിലേക്ക് പകുതി പുതിനയില, തക്കാളി, പച്ചമുളക്, തൈര് എന്നിവ ചേര്‍ത്ത് ഗ്രേവി പരുവം ആകുന്നതുവരെ വഴറ്റുക. ഇനി ചിക്കന്‍, മല്ലിയില, ബാക്കി പുതിനയില എന്നിവ ചേര്‍ത്തിളക്കി പത്ത് മിനിട്ട് വഴറ്റണം. തേങ്ങയും കശുവണ്ടിയും നേര്‍മയായി അരച്ച് ചിക്കന്‍ ഗ്രേവിയിലേക്ക് ചേര്‍ക്കുക. ചെറുനാരങ്ങാനീരും റോസ് എസ്സന്‍സും ചേര്‍ത്ത് തിളപ്പിക്കുക. എണ്ണ വേര്‍പെടുമ്പോള്‍ അടുപ്പില്‍ നിന്നിറക്കി തണുപ്പിക്കുക. അഞ്ച് ഇടിയപ്പം മാറ്റിവെച്ചിട്ട് ബാക്കിയുള്ളവ കഷ്ണങ്ങളാക്കി ഗ്രേവിയിലേക്ക് ചേര്‍ക്കണം. ഗ്രേവി കൂടുതലാണെങ്കില്‍ കൂടുതല്‍ ഇടിയപ്പം അതിലേക്ക് ചേര്‍ത്തുകൊടുക്കാം. മല്ലിയില ഉപയോഗിച്ച് അലങ്കരിച്ച് സവാള റെയ്ത്തയ്ക്കൊപ്പം കഴിക്കാം.
Content highlights: idiyappam biryani recipe.jpg?$p=85b4690&f=1x1&w=100&q=0.8)
.jpg?$p=d83648f&f=1x1&w=100&q=0.8)
.jpg?$p=48405e6&f=1x1&w=100&q=0.8)
.jpg?$p=6a12f4a&f=1x1&w=100&q=0.8)
