മുംബൈ: മുംബൈ- അഹമ്മദാബാദ് ദേശീയപാതയില്‍വെച്ചുണ്ടായ ആസിഡ് ആക്രമണത്തില്‍ മര്‍ച്ചന്റ് നേവി എന്‍ജിനീയര്‍ കൊല്ലപ്പെട്ടു. സുഹൃത്തും അഭിഭാഷകയുമായ യുവതിക്കു പരിക്കേറ്റു. അവിനാഷ് തിവാരി(41) ആണ് കൊല്ലപ്പെട്ടത്. തിവാരിയോടൊപ്പം താമസിച്ചുവന്നിരുന്ന സീമാ വിശ്വകര്‍മ്മ(38)യ്ക്കാണു പരിക്കേറ്റത്.
മുംബൈ- അഹമ്മദാബാദ് ദേശിയപാതയിലായിരുന്നു സംഭവം. ബൈക്കില്‍ സഞ്ചരിച്ചിരുന്ന ഇരുവരുടെയുംനേര്‍ക്ക് അജ്ഞാതന്‍ ആസിഡ് ഒഴിക്കുകയായിരുന്നു. സിഗ്‌നല്‍ കാത്തുകിടക്കുമ്പോഴായിരുന്നു അക്രമണം.
ബൈക്കില്‍നിന്നു താഴെവീണ ഇവര്‍ പ്രാണരക്ഷാര്‍ഥം അടുത്തുള്ള പെട്രോള്‍ പമ്പിലേക്ക് ഓടിക്കയറി. ഇവിടുത്തെ ജീവനക്കാരാണ് ഇവരെ കാന്തിവ്ലിയിലെ ആശുപത്രിയിലെത്തിച്ചത്. സീമ അപകടനില തരണംചെയ്തതായി ആശുപത്രി അധികൃതര്‍ അറിയിച്ചു. ഇരുവരും വിവാഹമോചിതരായിരുന്നു. 2004-ലാണ് അവിനാഷ് വിവാഹമോചിതനായത്. ആ കേസില്‍ അദ്ദേഹത്തിന്റെ അഭിഭാഷകയായിരുന്നു സീമ.
Content Highlight: Mubai Engineer killed in acid attack
RELATED STORIES
.jpg?$p=298ab5c&f=1x1&w=100&q=0.8)
.jpg?$p=0addcd3&f=1x1&w=100&q=0.8)
IN CASE YOU MISSED IT
