തിരുവനന്തപുരം: കേരള വിദ്യാഭ്യാസ ചട്ടത്തില്‍ (കെ.ഇ.ആര്‍.) കഴിഞ്ഞദിവസം മന്ത്രിസഭ വരുത്തിയ ഭേദഗതിയോടെ ന്യൂനപക്ഷേതര എയ്ഡഡ് സ്‌കൂളുകളിലെ നിയമനം ഇനി അധ്യാപക ബാങ്കില്‍നിന്ന് മാത്രമാകും. ന്യൂനപക്ഷ സ്‌കൂളുകളില്‍ അധ്യാപകബാങ്കില്‍നിന്ന് നിയമനം നടത്തുന്നതിനെതിരെ സുപ്രീംകോടതി വിധിയുണ്ട്. അതുകൊണ്ടുതന്നെ ഈ വിഭാഗത്തില്‍പ്പെട്ട സ്‌കൂളുകള്‍ക്ക് പുതിയ നിബന്ധന ബാധകമല്ല.
നിയമനം അധ്യാപകബാങ്കില്‍നിന്നാക്കുമ്പോള്‍ മൂന്ന് വിഭാഗക്കാര്‍ക്ക് ഇളവ് ലഭിക്കും. നിയമനത്തിനുമുമ്പേ അവകാശം ലഭിച്ചവര്‍ക്കും സ്ഥാനക്കയറ്റത്തിന് അര്‍ഹതയുള്ളവര്‍ക്കും ആശ്രിതനിയമനത്തിന് അര്‍ഹതയുള്ളവര്‍ക്കും.
1979 മേയ് 22 നുശേഷം അനുവദിച്ച സ്‌കൂളുകള്‍ക്കാണ് അധ്യാപകനിയമനം ബാങ്കില്‍നിന്നാകണമെന്ന നിബന്ധന പൂര്‍ണ അര്‍ഥത്തില്‍ ബാധകമാകുക. ഈ തീയതിക്കുശേഷം അനുവദിച്ചതോ, അപ്‌ഗ്രേഡ് ചെയ്തതോ ആയ സ്‌കൂളുകളില്‍ സംരക്ഷിത അധ്യാപകരെ നിയമിച്ചുകൊള്ളാമെന്ന കരാര്‍ മാനേജ്മെന്റുകള് ഒപ്പിട്ടിട്ടുണ്ട്.
മറ്റ് തീരുമാനങ്ങള്‍:
- 1979 മെയ് 22നുമുന്പുള്ള സ്‌കൂളുകളില്‍ അധ്യാപക നിയമനം 1:1 എന്ന അനുപാതത്തിലാകണം.
- ഒഴിവുണ്ടാകുന്ന ആദ്യ തസ്തിക ബാങ്കില്‍നിന്ന്.
- രണ്ടാമത്തെ തസ്തികയില്‍ മാനേജ്‌മെന്റിന് നിയമനം നടത്താം. അതായത് ഒഴിവുകളില്‍ പകുതി ബാങ്കില്‍ നിന്നാകുമെന്ന് ചുരുക്കം.
- സംരക്ഷിത അധ്യാപകരില്ലാത്ത സ്‌കൂളുകള്‍ക്കും പുതിയ നിബന്ധന ബാധകം.
- ഭേദഗതിക്ക് 2016 ജനുവരി 29 മുതല്‍ മുന്‍കാല പ്രാബല്യം.
- ജില്ലാതല ബാങ്കില്‍നിന്നാണ് മാനേജര്‍ നിയമനം നടത്തേണ്ടത്. ജില്ലാതലത്തില്‍ യോഗ്യരായ അധ്യാപകരില്ലെങ്കില്‍ മറ്റ് ജില്ലകളില്‍നിന്നാകണം നിയമനം.
- 4600 ല്പരം അധ്യാപകരാണ് ബാങ്കിലുള്ളത്.
- 100 കുട്ടികളില്‍ കൂടുതലുള്ള യു.പി., 150 കുട്ടികളില്‍ കൂടുതലുള്ള എല്‍.പി. സ്‌കൂളുകളില്‍ ഹെഡ്മാസ്റ്റര്‍മാരെ അധ്യാപന ചുമതലയില്‍നിന്ന് ഒഴിവാക്കുമ്പോള്‍ ഉണ്ടാകുന്ന ഒഴിവിലും അധ്യാപക ബാങ്കില്‍ നിന്നേ നിയമനം നടത്താവൂ.
- ഒരു വര്‍ഷം മുതലുള്ള അവധികാലയളവിലേക്ക് നടത്തുന്ന നിയമനം, സംരക്ഷിത അധ്യാപകന്‍ മാതൃവിദ്യാലയത്തിലേക്ക് തിരികെപോയാല്‍ ഉണ്ടാകുന്ന ഒഴിവുനികത്തലും ബാങ്കില്‍നിന്നുതന്നെ.
- നിയമനം നല്‍കുന്ന സംരക്ഷിത അധ്യാപകനെ സ്ഥലംമാറ്റാനോ, പിരിച്ചുവിടാനോ സര്‍ക്കാരിന്റെ അനുമതിയില്ലാതെ കഴിയില്ല.
- സ്റ്റാഫ് ഫിക്‌സേഷന്‍ എല്ലാവര്‍ഷവും നടത്തണമെന്നില്ല. നിലവിലുള്ള തസ്തികനിര്‍ണയം വരുംവര്‍ഷത്തേക്കും സര്‍ക്കാരിന് പ്രത്യേക ഉത്തരവിലൂടെ ബാധകമാക്കാം.
- പുതിയ തസ്തിക നിര്‍ണയം കുട്ടികളുടെ ഏകീകൃത തിരിച്ചറിയല്‍ നമ്പറിന്റെ അടിസ്ഥാനത്തിലാകണം.
RELATED STORIES
.jpg?$p=9df9451&f=1x1&w=100&q=0.8)
IN CASE YOU MISSED IT
