ബൈക്കിനൊപ്പം ബിഐഎസ് സര്‍ട്ടിഫൈഡ് ഹെല്‍മറ്റ് നിര്‍ബന്ധമാക്കി തമിഴ്‌നാട് സര്‍ക്കാര്‍


മോട്ടോര്‍ സൈക്കിള്‍ വാങ്ങുമ്പോള്‍ ബ്യുറോ ഓഫ് ഇന്ത്യന്‍ സ്റ്റാന്റേഡ് അനുശാസിക്കുന്ന നിലവാരത്തിലുള്ള ഹെല്‍മറ്റ് നല്‍കണമെന്ന് നിര്‍ദേശമുണ്ട്.

മിഴ്‌നാട്ടില്‍ ഇനി ഇരുചക്ര വാഹനങ്ങള്‍ വാങ്ങുമ്പോള്‍ ബിഐഎസ് നിലവാരത്തിലുള്ള ഹെല്‍മറ്റും നല്‍കണമെന്ന് ട്രാന്‍സ്‌പോര്‍ട്ട് അതോറിറ്റിയുടെ നിര്‍ദേശം. ബൈക്ക് അപകടങ്ങളും അതേതുടര്‍ന്നുള്ള മരണങ്ങളും കൂടി വരുന്ന പശ്ചാത്തലത്തിലാണ് ഈ നിര്‍ദേശം.

1989-ലെ മോട്ടോര്‍ വെഹിക്കിള്‍ ആക്ട് 138(4 )(f) അനുസരിച്ച് മോട്ടോര്‍ സൈക്കിള്‍ വാങ്ങുമ്പോള്‍ ബ്യുറോ ഓഫ് ഇന്ത്യന്‍ സ്റ്റാന്റേഡ് അനുശാസിക്കുന്ന നിലവാരത്തിലുള്ള ഹെല്‍മറ്റ് നല്‍കണമെന്ന് നിര്‍ദേശമുണ്ട്.

തമിഴ്‌നാട്ടിലെ ഹെല്‍മറ്റ് നിര്‍മാതാക്കളുടെ സംഘടന ഈ തീരുമാനത്തിന് പിന്തുണ അറിയിച്ചിട്ടുണ്ട്. ഉയര്‍ന്ന നിലവാരത്തിലുള്ള ഹെല്‍മറ്റ് ഉപയോഗിക്കണമെന്ന നിര്‍ദേശം അപകട മരണങ്ങളും തലയ്ക്ക് ഏല്‍ക്കുന്ന ആഘാതങ്ങളും കുറയ്ക്കുമെന്നും സംഘടന അഭിപ്രായപ്പെട്ടു.

2018-ല്‍ തമിഴ്‌നാട്ടിലുണ്ടായ അപകട മരണങ്ങളില്‍ 33 ശതമാനവും ഇരുചക്ര വാഹനങ്ങളില്‍ നിന്നുള്ളതാണ്. ഈ സാഹചര്യത്തിലാണ് പോലീസിന്റെയും മോട്ടോര്‍ വാഹന വകുപ്പിന്റെയും ഗതാഗത വകുപ്പിന്റെയും ആഭിമുഖ്യത്തില്‍ ഈ പദ്ധതി നടപ്പാക്കുന്നത്.

Content Highlights: Tamil Nadu Govt Makes BIS Certified Helmets Mandatory When Buying New 2-Wheeler

Add Comment
Related Topics

Get daily updates from Mathrubhumi.com

Youtube
Telegram