ന്യൂഡല്ഹി: പ്രധാനമന്ത്രി നരേന്ദ്രമോദി, രാഷ്ട്രപതി രാംനാഥ്കോവിന്ദ്, ഉപരാഷ്ട്രപതി വെങ്കയ്യനായിഡു എന്നിവര്ക്കു സഞ്ചരിക്കാനായി ഇന്ത്യ വാങ്ങുന്ന രണ്ട് ബോയിങ് 777 വിമാനങ്ങള് ജൂലായിലെത്തും. വ്യോമസേനയിലെ പൈലറ്റുമാരായിരിക്കും ഇവ പറത്തുക. എയര് ഇന്ത്യയുടെ എന്ജിനിയറിങ് വിഭാഗമായ എയര് ഇന്ത്യ എന്ജിനിയറിങ് സര്വീസസ് ലിമിറ്റഡിനാണ് പരിപാലനച്ചുമതല.
അമേരിക്കന് പ്രസിഡന്റിന്റെ ഔദ്യോഗിക വിമാനമായ എയര് ഫോഴ്സ് വണ്ണിനോടു കിടപിടിക്കുന്ന സുരക്ഷാസംവിധാനങ്ങള് ഇവയിലുണ്ടാവും. പ്രധാനമന്ത്രിയും രാഷ്ട്രപതിയും ഉപരാഷ്ട്രപതിയും ഇപ്പോള് യാത്രചെയ്യുന്നത് എയര് ഇന്ത്യയുടെ ബോയിങ് 747 വിമാനങ്ങളിലാണ്. 'എയര് ഇന്ത്യ വണ്' എന്നാണ് ഇവ അറിയപ്പെടുന്നത്. വ്യോമസേന പറത്തുന്ന പുതിയ വിമാനങ്ങള് 'എയര് ഫോഴ്സ് വണ്' എന്നാകും അറിയപ്പെടുക.
പുതിയ വിമാനങ്ങള് പറത്താന് വ്യോമസേനയിലെ അഞ്ചാറ് പൈലറ്റുമാരെ അമേരിക്കന് കമ്പനിയായ ബോയിങ് പരിശീലിപ്പിച്ചിട്ടുണ്ട്. ഏതാനും പൈലറ്റുമാരെക്കൂടി ഉടന് പരിശീലിപ്പിക്കുമെന്ന് അധികൃതര് പറഞ്ഞു.
ഇന്ത്യക്കായി പ്രത്യേകം രൂപകല്പന ചെയ്തവയാണ് പുതിയ വിമാനങ്ങള്. ലാര്ജ് എയര്ക്രാഫ്റ്റ് ഇന്ഫ്രാറെഡ് കൗണ്ടര്മെഷേഴ്സ് എന്നു വിളിക്കുന്ന അത്യാധുനിക മിസൈല് പ്രതിരോധസംവിധാനം ഇവയിലുണ്ടാകും. മിസൈലുകളില്നിന്ന് സുരക്ഷ നല്കാനുള്ള സെല്ഫ് പ്രൊട്ടക്ഷന് സ്യൂട്സുമുണ്ടാകും. 19 കോടി ഡോളര് (ഏകദേശം 1300 കോടി രൂപ) മുടക്കി രണ്ടു മിസൈല് പ്രതിരോധ സംവിധാനം വാങ്ങാന് ഫെബ്രുവരിയിലാണ് ഇന്ത്യ യു.എസുമായി കരാറായത്.
Content Highlights; prime minister, presidents new aircraft to have missile defence system
Share this Article
Related Topics