ബൊലേറൊ, ഥാര്‍, എക്‌സ്‌യുവി500, സ്‌കോര്‍പിയോ തുടങ്ങിയ വാഹനങ്ങളെല്ലാം മുഖം മിനുക്കാനൊരുങ്ങുകയാണെന്ന് മഹീന്ദ്ര അറിയിച്ചിട്ടുണ്ട്. ഇക്കൂട്ടത്തില്‍ ഓഫ് റോഡുകളുടെ തോഴനായ ഥാര്‍ മുഖം മിനുക്കി ഈ വര്‍ഷം തന്നെ നിരത്തിലെത്തുമെന്നാണ് സൂചന.
ഇന്ത്യയില്‍ ക്രാഷ് ടെസ്റ്റ് അടക്കമുള്ള സുരക്ഷാ സംവിധാനങ്ങള്‍ കര്‍ശനമാക്കുന്ന പശ്ചാത്തലത്തില്‍ പുതിയ ലാഡര്‍ ഫ്രെയിം ഷാസിയിലായിരിക്കും ഥാറിന്റെ നിര്‍മാണം. ബോഡിയുടെ ദൃഢത കൂട്ടി ക്രാഷ് ടെസ്റ്റ് കടമ്പ മറികടക്കാന്‍ ഇതുവഴി സാധിക്കുമെന്നാണ് കമ്പനി അവകാശപ്പെടുന്നത്.
പഴയ ഥാറില്‍ നിന്ന് രൂപത്തില്‍ ചെറിയ ചില മാറ്റങ്ങള്‍ പുതിയ മോഡലിനുണ്ടാകും. മുന്‍ഭാഗത്ത് തന്നെ ഥാറിന്റെ കരുത്ത് പ്രകടമാണ്. ഏഴ് സ്ലാറ്റ് ഗ്രില്‍, വൃത്താകൃതിയിലുള്ള ഹെഡ്ലാമ്പ് ഫെന്‍ഡര്‍ എല്‍ഇഡി ഇന്‍ഡിിക്കേറ്റര്‍ എന്നിവ ജീപ്പിനെ ഓര്‍മ്മപ്പെടുത്തും.
ഡ്യുവല്‍ ഫ്രണ്ട് എയര്‍ബാഗ്, ആന്റി ലോക്ക് ബ്രേക്കിങ് സിസ്റ്റം, ഇലക്ട്രോണിക് ബ്രേക്ക്ഫോഴ്സ് ഡിസ്ട്രിബ്യൂഷന്‍, സീറ്റ് ബെല്‍റ്റ് റിമൈന്‍ഡര്‍, റിയര്‍ പാര്‍ക്കിങ് സെന്‍സര്‍ തുടങ്ങിയ സുരക്ഷാ സംവിധാനങ്ങളും പുതിയ ഥാറിലുണ്ട്. പഴയ ഥാറിനെക്കാള്‍ നീളവും വീതിയും അല്‍പം കൂടും.
ബിഎസ് 6 നിലവാരത്തില്‍ കൂടുതല്‍ കരുത്തുറ്റ എന്‍ജിനും ഥാറിലുണ്ടാകും. നിരത്തില്‍ ഫോഴ്സ് മോട്ടോഴ്സിന്റെ ഗൂര്‍ഖ മോഡലാണ് ഥാറിന്റെ പ്രധാന എതിരാളി. പുതിയ ഥാറിന് 10 ലക്ഷം രൂപ റേഞ്ചില്‍ വില പ്രതീക്ഷിക്കാം.
Content Highlights: All-New Mahindra Thar Will Launch End of 2019
RELATED STORIES
IN CASE YOU MISSED IT
