ബജാജ് ഇലക്ട്രിക് ഇരുചക്ര വാഹനങ്ങള്‍ ഈ വര്‍ഷം നിരത്തിലെത്തും


1 min read
Read later
Print
Share

ഇലക്ട്രിക് കാറുകളില്‍ അതികായരായ ടെസ്ല പോലെ ഇരുചക്ര വാഹനങ്ങളിലെ ടെസ്ലയാകുകയാണ് ബജാജിന്റെ ലക്ഷ്യമെന്ന് രാജീവ് ബജാജ് മുമ്പ് അറിയിച്ചിരുന്നു.

ന്ത്യയിലെ ഇരുചക്ര, മുച്ചക്ര വാഹനങ്ങളുടെ മേധാവിത്വം കൈയാളുന്ന ബജാജ് ഓട്ടോസ് ഇലക്ട്രിക് വാഹനങ്ങളിലേക്ക് തിരിയുന്നു. ബജാജ് അര്‍ബനൈറ്റ് എന്ന പേരിലായിരിക്കും ഇലക്ട്രിക് സ്‌കൂട്ടറുകളും ബൈക്കുകളും ബജാജ് നിരത്തിലെത്തിക്കുക.

ബജാജ് അര്‍ബനൈറ്റിന്റെ ഇലക്ട്രിക് വാഹനങ്ങള്‍ ഈ വര്‍ഷം തന്നെ നിരത്തിലെത്തുമെന്നാണ് ബജാജ് ഓട്ടോ മാനേജിങ് ഡയറക്ടര്‍ രാജീവ് ബജാജ് ഉറപ്പുനല്‍കുന്നത്. അര്‍ബനൈറ്റിന്റെ മൂന്നുചക്ര വാഹനങ്ങള്‍ 2020-ല്‍ എത്തുമെന്നും അദ്ദേഹം പറഞ്ഞു.

ഇപ്പോള്‍ നിരത്തിലുള്ള ഇരുചക്ര വാഹനങ്ങളില്‍ നിന്നും തികച്ചും വേറിട്ട ഡിസൈനിലുള്ള വാഹനങ്ങള്‍ പുറത്തിക്കാനാണ് ബജാജ് ശ്രമിക്കുന്നത്. ഇതിന് പുറമെ, പ്രകൃതി സൗഹാര്‍ദ ഊര്‍ജമായിരിക്കും ഈ വാഹനത്തിന് കരുത്ത് പകരുകയെന്നുമാണ് കമ്പനി അവകാശപ്പെടുന്നത്.

കമ്മ്യൂട്ടര്‍ ബൈക്കുകളും പെര്‍ഫോമന്‍സ് ബൈക്കുകളും കരുത്തേറിയ സ്‌കൂട്ടറുകളും ബജാജിന്റെ ഇലക്ട്രിക് ഇരുചക്ര വാഹനങ്ങളുടെ ശ്രേണിയില്‍ അണിനിരത്തുമെന്നാണ് വിവരം. 2020-ഓടെ ഇലക്ട്രിക് ബൈക്കുകളുടെ നിര കൂടുതല്‍ വിപുലമാക്കാനാണ് കമ്പനി ശ്രമിക്കുന്നത്.

ഇലക്ട്രിക് കാറുകളില്‍ അതികായരായ ടെസ്ല പോലെ ഇരുചക്ര വാഹനങ്ങളിലെ ടെസ്ലയാകുകയാണ് ബജാജിന്റെ ലക്ഷ്യമെന്ന് രാജീവ് ബജാജ് മുമ്പ് അറിയിച്ചിരുന്നു.

Content Highlights: Bajaj Urbanite Electric Bikes & Scooters Coming Soon

Add Comment
Related Topics

Get daily updates from Mathrubhumi.com

Newsletter
Youtube
Telegram