നിത്യോപയോഗ പച്ചക്കറികളുടെ വില ഉയരുന്നു. ബീന്‍സ്, തക്കാളി, പച്ചമുളക്, കാരറ്റ്, ചെറിയ ഉള്ളി, പാവയ്ക്ക, നാരങ്ങ എന്നിവയുടെ വില 60 കടന്നു. കല്യാണ സീസണും വേനലുമാണ് തലസ്ഥാനത്തെ പഴം പച്ചക്കറി വിപണിയില്‍ വിലക്കയറ്റത്തിന് വഴിയൊരുക്കിയത്.
തമിഴ്നാട്ടില്‍ നിന്നെത്തുന്ന പച്ചക്കറിയുടെ അളവ് ഗണ്യമായി കുറഞ്ഞതും വിലക്കയറ്റത്തിനു പ്രധാന കാരണം. വേനല്‍മഴ തമിഴ്നാട്ടില്‍ ലഭിക്കാത്തതിനാല്‍ പച്ചക്കറി ഉത്പാദനത്തില്‍ കുറവുണ്ടായി.
അന്യസംസ്ഥാനങ്ങളില്‍ നിന്നെത്തുന്ന പച്ചക്കറികളുടെ വിലയിലും കൂടുതലാണ് നാടന്‍ പച്ചക്കറികള്‍ക്ക്. നാടന്‍ തക്കാളിക്ക് വില 80 കടന്നു. പൊതുവിപണിയിലെ വിലയുമായി ഹോര്‍ട്ടികോര്‍പ്പ് പച്ചക്കറിയുടെ വിലയ്ക്കും കാര്യമായ വ്യത്യാസമില്ല.
നാരങ്ങ കിലോയ്ക്ക് 170 രൂപയാണ് പൊതുവിപണിയില്‍. ഒരു നാരങ്ങയ്ക്ക് ഏഴുമുതല്‍ പത്തുരൂപ വരെ വിലയുണ്ട്. പച്ചക്കറിവില കൂടിയതോടെ കിറ്റുകളില്‍ നല്‍കുന്നത് പല പച്ചക്കറി വ്യാപാരികളും നിര്‍ത്തി. റംസാന്‍ വ്രതം ആരംഭിച്ചതോടെ പഴവര്‍ഗങ്ങളുടെ വിലയും ഉയരുകയാണ്.
ഹോര്‍ട്ടികോര്‍പ്പ് പൊതുവിപണി വില
- പാവയ്ക്ക 75 (80)
- ബീന്‍സ് 60 (90)
- പച്ചമുളക് 80 (90)
- കാരറ്റ് 78 (80)
- കോളിഫ്ലവര്‍ 55 (57)
- നാരങ്ങ 110 (170)
- ചെറിയ ഉള്ളി 55 (62)
- ഉരുളക്കിഴങ്ങ് 36 (38)
- തക്കാളി 56 (65)
- പച്ച ഏത്തക്ക 56 (60)
- ഏത്തപ്പഴം 62 (72)
- തേങ്ങ (37) 42
തമിഴ്നാട്ടില്‍നിന്നുള്ള പച്ചക്കറിയുടെ വരവ് കുറഞ്ഞു. പച്ചക്കറിക്ക് ആവശ്യക്കാര്‍ ഏറെയുള്ള സീസണായതിനാലാണ് വിലക്കയറ്റം. കഴിഞ്ഞ മൂന്ന് ആഴ്ചയായി പച്ചക്കറി വില കൂടുന്നുണ്ട്. വലിയ മുളകിന് കിലോയ്ക്ക് 200 രൂപയായി വര്‍ധിച്ചു.
Content Highlights: Fruit and Vegetable Price Increase
RELATED STORIES
.jpg?$p=8a7b7b1&f=1x1&w=100&q=0.8)
.jpg?$p=6a12f4a&f=1x1&w=100&q=0.8)
.jpg?$p=f1e049f&f=1x1&w=100&q=0.8)
.jpg?$p=c2197a1&f=1x1&w=100&q=0.8)
IN CASE YOU MISSED IT
